Kh-Education ឯកសារប៉ាកកាខ្មែរ: សំណុំរឿងព្រំដែនខ្មែរ-ថៃ

នៅក្នុងសំណុំរឿងព្រំដែនខ្មែរ-ថៃនេះ វិទ្យុបារាំងអន្តរជាតិ (RFI) នឹងនាំមកជូនលោកអ្នក នូវព័ត៌មានថ្មីៗ ទាក់ទងនឹងសភាពការណ៍នៅតាមបណ្តោយព្រំដែន និងដំណើរការក្តីនៅក្នុងតុលាការយុត្តិធម៌អន្តរជាតិក្រុងឡាអេ។
នៅពេលនេះ ការប្រឈមមុខដាក់គ្នាតាមផ្លូវយោធា នៅតែបន្តកើតមាននៅតាមបណ្តោយព្រំដែនខ្មែរ-ថៃ។ កាលពីចុងខែមេសា ២០១១ រដ្ឋាភិបាលកម្ពុជាបានដាក់ពាក្យបណ្តឹងជាផ្លូវការ ស្នើសុំឲ្យតុលាការយុត្តិធម៌អន្តរជាតិ ក្រុងឡាអេ ធ្វើការបកស្រាយឡើងវិញអំពីអត្ថន័យនៃសេចក្តីសម្រេច កាលពីឆ្នាំ១៩៦២។ ក្នុងពេលជាមួយគ្នាកម្ពុជាក៏បានស្នើសុំផងដែរឲ្យតុលាការចាត់វិធានការបណ្តោះអាសន្ន ដើម្បីការពារប្រាសាទព្រះវិហារ។

ព័ត៌មានស្តីពីវិបត្តិព្រំដែន

ពលរដ្ឋខ្មែរនៅព្រំដែនជម្លៀសខ្លួនគេចចេញពីជម្លោះផ្លូវអាវុធរវាងទាហានថៃ និងខ្មែរ

13/04/2013 - កម្ពុជា

ពលរដ្ឋថៃតាមព្រំដែនត្រៀមជម្លៀសខ្លួន កម្ពុជាកម្រិតការផ្សាយព័ត៌មានព្រំដែន

កាសែតថៃបានផ្សាយឲ្យដឹងថា ពលរដ្ឋថៃនៅតាមជាយដែនក្បែរប្រាសាទព្រះវិហារត្រៀមខ្លួនជាស្រេចដើម្បីជម្លៀសខ្លួនក្នុងករណីដែលមានសង្គ្រាមផ្ទុះឡើងនៅតាមជាយដែន។ ការត្រៀមខ្លួននេះបានកើតឡើង ខណៈដែលតុលាការអន្តរជាតិក្រុងឡាអេត្រៀមបើកសវនាការដើម្បីបកស្រាយសាលក្រមឆ្នាំ ១៩៦២ ឡើងវិញស្តីពីជម្លោះប្រាសាទព្រះវិហារ។

លោកឧបនាយករដ្ឋមន្ត្រី ហោ ណាំហុង ធ្វើសន្និសីទកាសែត ថ្ងៃទី ៩ មេសា

10/04/2013 - កម្ពុជា

កម្ពុជាចេញដំណើរទៅតុលាការឡាអេជាមួយក្តីសង្ឃឹម

លោកឧបនាយករដ្ឋមន្ត្រីហោ ណាំហុង បានដឹកនាំប្រតិភូអ្នកច្បាប់កម្ពុជាចេញទៅតុលាការយុត្តិធម៌អន្តរជាតិនៃទីក្រុងឡាអេហើយកាលលពីយប់ថ្ងៃអង្គារម្សិលមិញ។ នៅមុនឡើងយន្តហោះពីព្រលានយន្តហោះអន្តរជាតិភ្នំពេញ លោករដ្ឋមន្ត្រីការបរទេសកម្ពុជាបានអះអាងយ៉ាងមុតមាំថា លោកមានសុទិដ្ឋិនិយមចំពោះរឿងក្តីប្រាសាទព្រះវិហារនេះ។

03/04/2013 - កម្ពុជា-ថៃ

សវនាការរឿងក្តីប្រាសាទព្រះវិហារ ត្រូវផ្សាយផ្ទាល់

ដំណើរការសវនាការលើសំណុំរឿងប្រាសាទព្រះវិហារ ដែលប្តឹងដោយកម្ពុជានោះ នឹងត្រូវផ្សាយផ្ទាល់តាមប្រព័ន្ធអ៊ីនថឺនេត ក្នុងគេហទំព័ររបស់តុលាការយុត្តិធម៌អន្តរជាតិ។ ភាគីកម្ពុជា និងថៃមានរយៈពេល២ដង ដើម្បីធ្វើអំណះអំណាងផ្ទាល់មាត់ក្នុងរយៈពេលដំណើរការសវនាការនេះ ដែលចាប់ផ្តើមពីថ្ងៃទី១៥ ដល់ថ្ងៃទី១៩មេសា។

មន្រ្តីរដ្ឋាភិបាលកម្ពុជា នៅក្នុងសន្និសីទកាសែត ជុំវិញការផ្សព្វផ្សាយព័ត៌មានពីបញ្ហាព្រំដែនខ្មែរ-ថៃ

28/03/2013 - កម្ពុជា

រដ្ឋាភិបាលព្រមានប្តឹងអ្នកកាសែតវិទ្យុអាស៊ីសេរី ជុំវិញការផ្សាយព័ត៌មានពីបញ្ហាព្រំដែនកម្ពុជា-ថៃ

ក្នុងសន្និសីទកាសែត នៅព្រឹកថ្ងៃព្រហស្បតិ៍នេះ មន្ត្រីរដ្ឋាភិបាលកម្ពុជា បានចាត់ទុកថា បញ្ហាព្រំដែន ជាបញ្ហាសន្តិសុខជាតិ ហើយដំណើរការកំណត់ព្រំដែន ជាមួយប្រទេសជិតខាង ជាពិសេសនៅព្រំដែនកម្ពុជា និងថៃ មិនបានធ្វើឲ្យកម្ពុជាបាត់បង់ទឹកដី សូម្បីតែមួយមីលីម៉ែត្រឡើយ។ មន្ត្រីជាន់ខ្ពស់រដ្ឋាភិបាល លោក ផៃ ស៊ីផាន ក៏បានប្រកាសព្រមានថា រដ្ឋាភិបាលអាចនឹងចាត់វិធានការតាមផ្លូវច្បាប់ ដោយប្តឹងអ្នកកាសែតវិទ្យុអាស៊ីសេរី ទៅកាន់តុលាការយោធា ពាក់ព័ន្ធនឹងការផ្សព្វផ្សាយព័ត៌មាន ពីរឿងព្រំដែនកម្ពុជា-ថៃ។

26/02/2013 - កម្ពុជា-ថៃ-ប្រាសាទព្រះវិហារ

មេដឹកនាំយោធាកម្ពុជា-ថៃ ស្វែងរកការធានាសន្តិសុខព្រំដែន

រដ្ឋមន្ត្រីការពារជាតិកម្ពុជា និងថៃបានដឹកនាំប្រតិភូជួបគ្នា នៅក្បែរប្រាសាទព្រះវិហារ នៅព្រឹកថ្ងៃអង្គារទី២៦ កុម្ភៈដើម្បីសន្យារក្សាភាពស្ងប់ស្ងាត់អោយបាននៅតាមព្រំដែន។ ការជួបគ្នានេះមានសារៈសំខាន់ ខណៈដែលតុលាការយុត្តិធម៌អន្តរជាតិទីក្រុងឡាអេ នឹងសម្រេចលើបណ្តឹងរបស់កម្ពុជា ដែលស្នើអោយតុលាការអន្តរជាតិនេះបកស្រាយសាលក្រមឆ្នាំ ១៩៦២ ស្តីពីប្រាសាទព្រះវិហារ នៅពាក់កណ្តាលខែមេសា ខាងមុខនេះ។

24/02/2013 - កម្ពុជា-ថៃ-ប្រាសាទព្រះវិហារ

ក្រុមជ្រុលនិយមថៃផ្តើមធ្វើចលនានៅតាមព្រំដែន

ភ្លាមៗក្រោយពីនាយករដ្ឋមន្ត្រីកម្ពុជា ស្នើឲ្យកម្លាំងប្រដាប់អាវុធដែលឈរជើងតាមព្រំដែនប្រុងប្រយ័ត្ន ក្រុមប្រឆាំងជ្រុលនិយមថៃក៏បានផ្តើមធ្វើសកម្មភាព នៅតាមព្រំដែនមែន។

(3) comments

កងទ័ពខ្មែរនៅប្រាសាទព្រះវិហារ កាលពីដើមឆ្នាំ ២០១១

23/02/2013 - កម្ពុជា-ថៃ-ប្រាសាទព្រះវិហារ

កម្ពុជាត្រៀមទប់ទល់ពួកជ្រុលនិយមថៃពេលបកស្រាយសាលក្រមឆ្នាំ ១៩៦២

លោកនាយករដ្ឋមន្ត្រី ហ៊ុន សែន បានស្នើឲ្យកងកម្លាំងប្រដាប់អាវុធនៅតាមព្រំដែនព្រះវិហារ បង្កើនការប្រុងប្រយ័ត្នចំពោះសភាពការណ៍អាក្រក់ណាមួយ ដែលអាចកើតឡើងជាយថាហេតុ ដោយសារពួកជ្រុលនិយមថៃ។

វេរ៉ា ស៊ុមខ្វាមឃីត សកម្មជនអាវលឿងថៃ ដែលត្រូវតុលាការកម្ពុជាផ្តន្ទាទោសពីបទឆ្លងដែនខុសច្បាប់ និងបទចារកម្ម

10/01/2013 - កម្ពុជា-ថៃ

លោកហ៊ុន សែនស្នើក្រសួងយុត្តិធម៌ពិចារណាបន្ធូរបន្ថយទោសថៃអាវលឿង

លោកស្រីយីងឡាក់ ស៊ីណាវ៉ាត់ នាយករដ្ឋមន្ត្រីថៃ បានធ្វើលិខិតស្នើសុំអន្តរាគមន៍ជាថ្មីម្តងទៀត នៅថ្ងៃព្រហស្បតិ៍នេះ ពីលោកនាយករដ្ឋមន្ត្រីហ៊ុន សែន អោយពិចារណាអំពីការបន្ធូរបន្ថយ និងលើកលែងទោសដល់សកម្មជនថៃអាវលឿង២នាក់ ដែលកំពុងជាប់ពន្ធនាគារព្រៃស។ ប្រមុខរដ្ឋាភិបាលកម្ពុជាបានស្នើអោយក្រសួងយុត្តិធម៌ពិចារណាលើការស្នើសុំរបស់នាយករដ្ឋមន្ត្រីថៃនេះ។

(1) comment

អ្នកនាំពាក្យរដ្ឋាភិបាលកម្ពុជាលោកខៀវ កាញារីទ្ធ

08/01/2013 - កម្ពុជា

លោកខៀកាញារីទ្ធ៖កម្ពុជាចាស់ទុំជាងថៃក្នុងដំណោះស្រាយព្រំដែន

មន្ត្រីជាន់ខ្ពស់រដ្ឋាភិបាលកម្ពុជាបានអត្ថាធិប្បាយរិះគន់ថៃថា ថៃនៅមានភាពចាស់ទុំតិចជាងកម្ពុជាក្នុងដំណោះស្រាយកិច្ចការព្រំដែន។

(1) comment

ពួកអាវលឿងពេលកាន់កាប់ព្រលានយន្តហោះបាងកក កាលពីឆ្នាំ២០០៨

05/01/2013 - កម្ពុជា-ថៃ

បញ្ហាព្រះវិហារ៖ កម្ពុជាត្រជាក់ ថៃឡើងកម្តៅ

ខណៈដែលកម្ពុជាបានត្រៀមជាស្រេចដើម្បីចូលរួមសវនាការបកស្រាយឡើងវិញនូវសាលក្រមឆ្នាំ ១៩៦២ របស់តុលាការយុត្តិធម៌អន្តរជាតិក្រុងឡាអេស្តីពីបញ្ហាព្រះវិហារ ដែលនឹងប្រព្រឹត្តទៅនៅពាក់កណ្តាលខែមេសាខាងមុខនេះ នយោបាយប្រទេសថៃបានឡើងកម្តៅជាថ្មី។