វិនិយោគលើយុវជនកម្ពុជាៈ ផ្លូវឆ្ពោះទៅកាន់ភាពជឿនលឿន
Monday, 30 September 2013 17:13 Written by KSN
លោក William E. Todd ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជាភ្នំពេញ: សូមអរគុណជាថ្មីម្តងទៀតដែលបានចំណាយពេលអានខ្ទង់សារព័ត៌មានប្រចាំសប្តាហ៍របស់ខ្ញុំ។ ខ្ញុំនៅតែមានការចាប់អារម្មណ៍លើសំណួរដែលលោកអ្នកផ្ញើមកខ្ញុំ ពីព្រោះវាបង្ហាញអោយឃើញនូវកង្វល់ យ៉ាងខ្លាំងចំពោះអនាគតនៃប្រទេសកម្ពុជា។ ក្នុងសប្តាហ៍កន្លងទៅ ដោយព្រឹត្តិការណ៍ក្នុងពេលក្រោយ ការបោះឆ្នោតបានបន្តកើតមាន លោកអ្នកជាច្រើនបានសួរខ្ញុំពីទិសដែលកម្ពុជាត្រូវដើរតាម។ មិត្តអ្នកអាន ម្នាក់បានសួរដោយចំថា “តើប្រទេសកម្ពុជាអាចបន្តផ្តោតលើភាពជឿនលឿនបានយ៉ាងដូចម្តេច?”។ក្នុងរយៈពេល២-៣សប្តាហ៏កន្លងមកនេះ ខ្ញុំបានចែករំលែកជាមួយលោកអ្នកនូវគំនិតរបស់ខ្ញុំ ស្តីពី ផ្លូវខាងមុខសំរាប់កំណែទំរង់និងសកម្មភាពប្រជាធិបតេយ្យដោយសន្តិភាព។ ខ្ញុំគិតថា សមាសភាពនៃគន្លឹះ ទាំងពីរនេះ អាចឆ្លើយនូវសំណួររបស់អ្នកអានរូបនេះ។ អ្វីដែលសំខាន់ផងដែរសំរាប់ភាពជឿនលឿនទៅ មុខ គឺការវិនិយោគទៅលើយុវជននៅក្នុងប្រទេសកម្ពុជា កាត់បន្ថយភាពក្រីក្រ លើកកំពស់ការថែរក្សា សុខភាពនិងអាហារូបត្ថម្ភសំរាប់កុមារ។ ការលើកកំពស់ជីវភាពរស់នៅរបស់ពលរដ្ឋកម្ពុជាសាមញ្ញ និងការ ផ្តល់ឱកាសសំរាប់យុវជន នឹងនាំទៅដល់ការអភិវឌ្ឍន៏អនាគតរបស់ប្រទេសកម្ពុជា។ដូចលោកអ្នកប្រហែលជាបានដឹងរួចហើយ ខ្មុំជាឪពុកដែលមានកូនចំនួន៤នាក់ ដូចនេះការលើក កំពស់សុខុមាលភាពរបស់កុមារនិងយុវជន គឺជារឿងមួយដែលខ្ញុំយកចិត្តទុកដាក់យ៉ាងខ្លាំង។ ដូចនេះ ហើយបានជាខ្ញុំមានការរីករាយជាខ្លាំង ដែលកម្ពុជាជាប្រទេសដែលផ្តោតការយកចិត្តទុកដាក់ដល់ផែន ការសកម្មភាពរបស់រដ្ឋាភិបាលសហរដ្ឋអាមេរិក ស្តីពីបញ្ហាកុមារដែលកំពុងជួបការខ្វះខាត។ កាលពី សប្តាហ៏មុន ខ្ញុំបានជួបប្រជុំជាមួយដៃគូរសំខាន់ៗមួយចំនួន ដើម្បីពិភាក្សានូវគំនិតផ្តួចផ្តើមនេះ ដែលនឹង អនុវត្តនូវយុទ្ធសាស្ត្រក្នុងការលើកកំពស់សុខភាពកុមារ លើកកំពស់ការថែរក្សាកុមារក្នុងគ្រួសារ និងជួយ ការពារពួកគេកុំអោយក្លាយជាជនរងគ្រោះដោយការជួញដូរ ជៀសផុតពីការកេងប្រវ័ញ្ជលើកំលាំងពលកម្ម អំពើហឹង្សា និងការរំលោភបំពានជាដើម។ ដូចដែលយុទ្ធសាស្ត្របានលើកបង្ហាញ ឆ្លើយតបនិងភាពចាំបាច់ របស់កុមារនៅពេលដែលគេមានអាយុតិច នឹងផ្តល់ឱកាសដ៏ល្អដល់គេអោយវិវត្តទៅជាមនុស្សពេញវ័យ ប្រកបដោយភាពរីករាយនិងផលិទ្ធភាព។ ដើម្បីគាំទ្រកុមារនៅពេលដែលគេកំពុងរីកធំធាត់ទៅកាន់មនុស្សពេញវ័យ យើងក៏ត្រូវផ្តោតការយក ចិត្តទុកដាក់ផងដែរដល់តំរូវការជាមូលដ្ឋានរបស់ប្រជាពលរដ្ឋ ដូចជាបញ្ហាថែរក្សាសុខភាព និងអាហារ បំប៉នជាដើម។ អាស្រ័យហេតុនេះហើយបានជារដ្ឋាភិបាលសហរដ្ឋអាមេរិក បន្តគាំទ្រកម្មវិធីមួយចំនួនដូច ជាកម្មវិធីឩបត្ថម្ភអនាគត (Feed the Future) ជាដើម។ អត្រាកុមារដែលខ្វះទំងន់ក្រោមអាយុ៥ឆ្នាំ បាន ថយចុះពីចំនួន៤៥ ភាគរយក្នុងឆ្នាំ ២០០២ ដល់៣៦ភាគរយក្នុងឆ្នាំ២០០៥។ បន្តនូវជោគជ័យនេះ គឺជាគោលបំណងរបស់កម្មវិធី Feed the Future ដែលជាកម្មវិធីនៃគំនិតផ្តួចផ្តើមស្តីពីការប្រឆាំងភាព អត់ឃ្លានលើពិភពលោកនិងសន្តិសុខស្បៀងរបស់លោកប្រធានាធិបតីអាមរិក អូបាម៉ា។ សមាសភាពនៃ កម្មវិធី Feed the Future គឺកម្មវិធី Harvest ដែលជួយគ្រួសារកម្ពុជាអោយយល់ដឹងពីវិធីថ្មីៗនៃការធ្វើ កសិកម្ម និងដាំដំណាំជាច្រើនទៀត ដើម្បីបង្កើនប្រាក់ចំណូល និងលើកកំពស់អាហារូបត្ថម្ភ។សហរដ្ឋអាមេរិក ក៏បានវិនិយោគផងដែរនូវទឹកប្រាក់ជាង១៥០លានដុល្លារអាមេរិក នៅក្នុងវិស័យ HIV/AIDS ដែលជួយលើក្រុមយុវជនពេញវ័យជាសំខាន់។ អត្រាឆ្លងមេរោគ HIV ដល់យុវជនពេញវ័យ បានថយចុះប្រមាណ៥០ ភាគរយ ចាប់តាំងពីឆ្នាំ១៩៩៨មក ហើយប្រជាពលរដ្ឋជាច្រើនបច្ចុប្បន្នកំពុងរស់ នៅក្នុងជីវិតមានសុខភាពមាំទាំទោះជាមានមេរោគ HIV/AIDS ដែលនេះដោយសារតែជំនាញនិងធនធាន ដែលផ្តល់ដោយរដ្ឋាភិបាលសហរដ្ឋអាមេរិក។ កម្មវិធីសុខភាពរបស់រដ្ឋាភិបាលអាមេរិក ក៏បានជួយផងដែរ ដល់ការកាត់បន្ថយអត្រាស្លាប់របស់កុមារជាង៥០ភាគរយ ចាប់តាំងពីឆ្នាំ២០០០មក និងជួយកាត់បន្ថយ អត្រាស្លាប់របស់មាតាពេលឆ្លងទន្លេរចំនួន៥៦ ភាគរយ ក្នុងចន្លោះឆ្នាំ២០០៥និង២០១០។ សមិទ្ធផលដ៏ គួរអោយកត់សំគាល់នេះ គឺជាការរួមចំណែកដ៏សំខាន់ដល់ជោគជ័យនាពេលអនាគតរបស់ពលរដ្ឋកម្ពុជា។ការធានានូវបរិកាសសុវត្ថភាពការងារ គឺជាវិធីមួយទៀតដែលកម្ពុជាអាចលើកកំពស់នូវគុណភាព ជីវិតសំរាប់ពលរដ្ឋ ជាពិសេសយុវជនពេញវ័យ។ កាលពីថ្ងៃទី៦ កញ្ញា ខ្ញុំបានសរសេរនៅក្នុង blog របស់ខ្ញុំអំពីកម្មវិធីរោងចក្រដ៏ប្រសើរនៅក្នុង ប្រទេសកម្ពុជា (BFC) ដែលបានធ្វើអោយមានផលល្អក្នុងការផ្តល់ សុវត្ថភាពនៅកន្លែងធ្វើការនៃរោងចក្រកាត់ដេរសំលៀកបំពាក់ និងជួយលើកកំពស់ជីវភាពរស់នៅរបស់ ពលរដ្ឋកម្ពុជា ដោយរួមបញ្ជូលនូវសុវត្ថភាពកន្លែងការងារនិងទីផ្សារនៅសហរដ្ឋអាមេរិកផងដែរ។ BFC បានបង្កើតឡើងនៅឆ្នាំ២០០១ ហើយមកដល់ឆ្នាំ២០១២ សហរដ្ឋអាមេរិកបានទិញផលិផលសំលៀក បំពាក់និងស្បែកជើងពីប្រទេសកម្ពុជា ដែលមានតំលៃប្រមាណ ២,៦ពាន់លានដុល្លារអាមេរិក ដែលចំនួន នេះគឺស្មើប្រមាណជិត២០ភាគរយនៃផលទុនសរុប GDP របស់កម្ពុជា។ តួលេខនេះបានបង្ហាញពីភាព ជោគជ័យរបស់កម្មវិធីនេះ។រដ្ឋាភិបាលសហរដ្ឋអាមេរិក កំពុងធ្វើការដើម្បីជួយលើកកំពស់ជីវិតរបស់ប្រជាពលរដ្ឋកម្ពុជា កាន់ តែមានសុវត្ថភាព សន្តិសុខ សុខភាពល្អ និងកាន់តែមានការរីកចំរើនថែមទៀត។ ប៉ុន្តែដូចភាពជាដៃគូរ ផ្សេងៗទៀតដែរដែលមានប្រសិទ្ធភាព ជោគជ័យតែងកើតមាននៅពេលដែលយើងធ្វើការជាមួយគ្នា តែប៉ុណ្ណោះ និងស្តាប់នូវតំរូវការរបស់គ្នាទៅវិញទៅមក។ ការប្តេជ្ញាចិត្តរបស់យើងចំពោះភាពជឿនលឿន គឺការឆ្លើយតបដោយផ្ទាល់ចំពោះភាពចាំបាច់នានា និងគោលបំណងរបស់ប្រជាជនកម្ពុជា។ ដូចប្រជាជន កម្ពុជាបានរំលឹកយើងជាញឹកញាប់ សំរាប់អោយប្រទេសមានសេដ្ឋកិច្ខរីកចំរើនទៅមុខ ការកែទំរង់គឺមាន សារសំខាន់។ នៅក្នុងសប្តាហ៏ថ្មីៗនេះ ថ្នាក់ដឹកនាំមកពីគណបក្សសំខាន់ៗទាំង២ បានលើកឡើងពីសារ សំខាន់នៃការកែទំរង់។ដូចដែលខ្ញុំបានលើកឡើងនៅក្នុងខ្ទង់សារព័ត៌មានរបស់ខ្ញុំកាលពីពេលមុន ខ្ញុំមានសុទិដ្ឋិនិយម អំពីអនាគតរបស់ប្រទេសកម្ពុជា។ ដូចលោក Henry Ford ដែលជាអ្នកជំនួញដ៏ឆ្នើមមួយរូបរបស់អាមេរិក បានលើកឡើងថា “ការរួមគ្នាគឺជាការចាប់ផ្តើម ការបន្តនៅជាមួយគ្នាគឺជាការចំរើនទៅមុខ ការធ្វើការជា មួយគ្នាគឺជាជោគជ័យ” ។ការធ្វើការជាមួយគ្នាដោយបណ្តាក់ទុនលើយុវជនកម្ពុជានាពេលបច្ចុប្បន្ន នឹង ផ្តល់អោយជារង្វាន់សំរាប់មនុស្សជំនាន់ៗក្រោយទៀត។ ខ្ញុំសូមជូនពរអោយពលរដ្ឋកម្ពុជាទាំងអស់ប្រកប ដោយសេចក្តីសុខ សប្យាយរីករាយ និងមានសុវត្ថភាពនៅក្នុងឱកាសថ្ងៃឈប់សំរាកនៃពិធីបុណ្យភ្ជុំបិណ្ឌនា ពេលខាងមុខ។ សូមបន្តផ្ញើសំណួរមកខ្ញុំតាមអ៊ីម៉េល AskAMBToddPP@state.gov ។ សំនួរនិងមតិរបស់ លោកអ្នកធ្វើអោយយើងអាចស្វែងយល់ពីបញ្ហាដែលត្រូវតាមពេលវេលា និងមានប្រយោជន៍សំរាប់ប្រទេសកម្ពុជា។ សូមអរគុណដែលនៅបន្តការឆ្លើយឆ្លងដ៏សំខាន់នេះជាមួយខ្ញុំ៕
No comments:
Post a Comment