Showing posts with label គណៈរដ្ឋមន្ត្រី. Show all posts

Monday, October 28, 2013

ប្រមុខការទូតកម្ពុជា-ថៃបង្ហាញជំហរដូចគ្នាច្រើន លើការរក្សាសន្តិសុខតាមព្រំដែន

ក្នុងកិច្ចប្រជុំក្រុមការងាររួមលើកទីពីរកម្ពុជា-ថៃអនុវត្តដីកាបង្គាប់តុលាការយុត្តិធម៌អន្តរជាតិ

RFI/Siv Channa

ដោយ លាង ដឺលុច

កិច្ចប្រជុំទ្វេភាគីថ្នាក់រដ្ឋមន្ត្រីការបរទេសកម្ពុជា និងថៃ នៅថ្ងៃចន្ទនេះបានបញ្ចប់ដោយចំនុចត្រូវគ្នាច្រើន ទាក់ទងនឹងការអភិវឌ្ឍន៍ និងរក្សាសន្តិសុខតាមព្រំដែន។ តំណាងរដ្ឋាភិបាលជិតខាងទាំងពីរបានសន្យាអនុវត្តសាលដីកាតុលាការឡាអេ ដែលនឹងត្រូវប្រកាសនៅថ្ងៃទី១១វិច្ឆិកាខាងមុខនេះ ស្តីពីភាពជាម្ចាស់កម្មសិទ្ធិនៃតំបន់ប្រាសាទព្រះវិហារ។

ជំនួបរវាងប្រមុខការទូតនៃប្រទេសជិតខាងទាំងពីរ កម្ពុជាថៃ នៅថ្ងៃចន្ទ បានអនុញ្ញាតអោយភាគីទាំងពីរបានសន្យាជាឧឡារិក និងជាផ្លូវការអំពីជំហរដូចគ្នាក្នុងការរក្សាទំនាក់ទំនងអោយកាន់តែល្អរវាងប្រទេសទាំងពីរ បើទោះជាសាលដីកានៅថ្ងៃខាងមុខ បែបណាក៏ដោយនោះ។ ភាគីទាំងពីរក៏បានសន្យា ស្វែងរកមធ្យោបាយ និងសហការគ្នាអនុវត្តសាលដីកាតុលាការយុត្តិធម៌អន្តរជាតិថ្ងៃទី១១វិច្ឆិកា ស្តីពីតំបន់ប្រាសាទព្រះវិហារនោះទៀតផង។
ទាំងនេះគឺជាខ្លឹមសារដែលត្រូវបានរកឃើញនៅក្នុងកិច្ចប្រជុំថ្នាក់រដ្ឋមន្ត្រីការបរទេសកម្ពុជា ថៃ នៅព្រឹកថ្ងៃចន្ទនេះ។ កិច្ចប្រជុំដែលត្រូវបានរៀបចំធ្វើនៅក្នុងសណ្ឋាគារ Holiday Palace ក្នុងក្រុងប៉ោយប៉ែត ខេត្តបន្ទាយមានជ័យរបស់កម្ពុជា មុននឹងភាគីទាំងពីរធ្វើដំណើរទៅធ្វើសន្និសីទសារព័ត៌មានស្តីពីលទ្ធផលនៃកិច្ចប្រជុំនេះ នៅលើទឹកដីថៃ។
អ្នកនាំពាក្យក្រសួងការបរទេសកម្ពុជា លោក កុយ គួង បានអត្ថាធិប្បាយប្រាប់វិទ្យុបារាំងអន្តរជាតិថា កិច្ចប្រជុំដែលដឹកនាំដោយរដ្ឋមន្ត្រីការទេសទាំងពីរនោះ បានបង្ហាញចំនុចវិជ្ជមានច្រើន ក្នុងបរិយាកាសរីករាយ ដោយភាគីទាំងពីរបង្ហាញជំហរដូចគ្នាថា ត្រូវអនុវត្តន៍សេចក្តីសម្រេចរបស់តុលាការឡាអេ នៅថ្ងៃទី១១វិច្ឆិកា ខាងមុខនេះ។

គួរបញ្ជាក់ផងដែរថា ភាគីទាំងពីរក៏បានសន្យាពន្យល់ប្រជាជនទាំងសងខាង អំពីសាលដីកាតុលាការខាងមុខនេះ ដើម្បីចៀសវាងការយល់ច្រឡំ ដែលអាចនាំអោយឈានទៅការប៉ះពាល់នៃទំនាក់ទំនងនៃប្រទេសទាំងពីរ។

សូមរម្លឹកឡើងវិញថា ការជួបគ្នារវាងប្រមុខការទូតទាំងពីរ ត្រូវបានរៀបចំឡើងភា្លម តែ២សប្តាហ៍មុនការប្រកាសសាលដីកាតុលាការឡាអេ នៅថ្ងៃទី១១វិច្ឆិកា។ គឺជាសេចក្តីសម្រេចលើបណ្តឹងរបស់កម្ពុជា។ កម្ពុជាដែលបានស្នើអោយតុលាការអន្តរជាតិមួយនេះបកស្រាយឡើងវិញ សាលក្រមរបស់ខ្លួនឆ្នាំ១៩៦២ ដែលនិយាយអំពីភាពជាម្ចាស់កម្មសិទ្ធិលើប្រាសាទព្រះវិហារ។ កម្ពុជាត្រូវបង្ខំចិត្តដាក់ពាក្យបណ្តឹងនេះ កាលពីចុងខែមេសា ឆ្នាំ២០១១ បន្ទាប់ពីរដ្ឋាភិបាលថៃរបស់លោកអាប់ភីស៊ីត វេចាជីវ៉ា បានទាមទារកាន់កាន់តំបន់៤,៦ គីឡូម៉ែត្រក្រឡាជុំវិញប្រាសាទព្រះវិហារ។

នៅក្នុងកិច្ចប្រជុំគណៈរដ្ឋមន្ត្រីនៅថ្ងៃសុក្រកន្លងទៅ លោកនាយករដ្ឋមន្ត្រីហ៊ុន សែន បានអំពាវនាវរួចហើយ ដល់កងកម្លាំងប្រដាប់អាវុធនៅតាមព្រំដែន អោយរក្សាភាពស្ងប់ស្ងាត់ និងរង់ចាំអនុវត្តសាលដីការបស់តុលាការឡាអេ៕
ផ្សាយបន្តពី

Friday, October 11, 2013

ការផ្លាស់ប្តូរឥរិយាបថរបស់មន្ត្រីជាចំណែកជោគជ័យនៃកំណែទម្រង់រដ្ឋាភិបាល

ស្តាប់ (05:12)

បញ្ចូលទៅក្នុង Playlist របស់ខ្ញុំ

ចម្លងទុក

ភាពស្និទ្ធស្នាលរបស់សម្តេចព្រះនរោត្តម សីហនុ ជាមួយប្រជារាស្ត្រ ជាផ្នែកមួយដ៏សំខាន់នៃប្រជាប្រិយភាពរបស់ព្រះអង្គ។

@Google

ដោយ ប៉ែន បូណា

រដ្ឋាភិបាលអាណត្តិទី៥បានចេញដំណើរហើយ ទោះបីជាវិបត្តិនយោបាយនៅមិនទាន់ដោះស្រាយបានក៏ដោយ។ លោកនាយករដ្ឋមន្ត្រី ហ៊ុន សែន បានដាក់ចេញនូវគោលនយោបាយកំណែទម្រង់ជាច្រើន ដើម្បីស្តារប្រជាប្រិយភាពរដ្ឋាភិបាលឡើងវិញ។ ប៉ុន្តែ ការផ្លាស់ប្តូរឥរិយាបថរបស់មន្ត្រីរដ្ឋាភិបាល និងមន្ត្រីអាជ្ញាធរក៏ត្រូវគេមើលឃើញថា មានសារៈសំខាន់ចាំបាច់ មិនអាចមើលរំលងបានដែរ ពីព្រោះវាជាចំណែកនៃជោគជ័យ ឬបរាជ័យនៃកំណែទម្រង់រដ្ឋាភិបាល។

ការគិតគូរពីកំណែទម្រង់ស៊ីជម្រៅខាងគោលនយោបាយ គឺជាបញ្ហាចាំបាច់ដើម្បីស្តារប្រជាប្រិយភាពរបស់រដ្ឋាភិបាល ពីព្រោះប្រសិនបើគ្មានគោលនយោបាយល្អដែលឆ្លើយតបនឹងសេចក្តីត្រូវការជាក់ស្តែងរបស់ប្រជាពលរដ្ឋទេ ការដឹកនាំប្រទេសក៏មិនទទួលជោគជ័យដែរ។ នេះគឺជាកត្តាសត្យានុម័តដែលគ្មានរដ្ឋាភិបាលណាមើលរំលងបានឡើយ ជាពិសេសក្នុងបណ្តាប្រទេសប្រជាធិបតេយ្យ។
ប៉ុន្តែ មុននឹងឈានទៅសម្រេចគោលនយោបាយ អាកប្បកិរិយារបស់មន្ត្រីរដ្ឋាភិបាល និងមន្ត្រីអាជ្ញាធរក៏ជាចំណែកសំខាន់មួយដែរដែលគួរពិចារណា។ មានបញ្ហាច្រើនណាស់ដែលកើតចេញពីអាកប្បកិរិយារបស់មន្ត្រីមានបុណ្យស័ក្តិ ហើយដែលធ្វើឲ្យប្រជាពលរដ្ឋខកចិត្តដោយមិនទាន់គិតដល់សមត្ថភាពការងារផង។ ភាពឆ្គាំឆ្គងសំខាន់មួយរបស់មន្ត្រីទាំងនោះគឺការសម្ញែងទ្រព្យសម្បត្តិដ៏ស្តុកស្តម្ភរបស់ខ្លួន។

ជាទូទៅ មន្ត្រីធំៗថ្នាក់លើ និងអ្នកធ្វើការចំកន្លែងខ្លាញ់ ពួកគេបានបង្ហាញទ្រព្យសម្បត្តិស្តុកស្តម្ភយ៉ាងលឿនរហ័ស និងយ៉ាងសម្ញែងដោយគ្មានលាក់លៀម។ ផ្ទះវីឡា ដីជាច្រើនកន្លែង រថយន្តទំនើបជាច្រើនគ្រឿង និងប្រាក់ចាយវាយយ៉ាងពោរពាស...។ ប៉ុន្តែ អ្នកទាំងនោះហាក់ដូចជាភ្លេចគិតថា តើទ្រព្យសម្បត្តិស្តុកស្តម្ភដែលពួកគេមាននេះ បានមកពីណា? នេះជាសំណួរដែលអ្នកផងទាំងពួងនាំគ្នាចោទសួរ និងខ្សឹបខ្សៀវគ្រប់គ្នា។ ចម្លើយដ៏សាមញ្ញបំផុតនោះគឺ មកពីគេធ្វើការចំកន្លែងខ្លាញ់។

នៅពេលដែលមន្ត្រីទាំងនោះចុះមូលដ្ឋានម្តងៗ ពួកគេបានបង្ហាញពីភាពខុសគ្នាស្រឡះធៀបនឹងជីវភាពប្រជាពលរដ្ឋ និងស្ថានភាពសេដ្ឋកិច្ចប្រទេសជាតិ។ ភាពខុសគ្នាបានស្តែងឡើងតាមរយៈរថយន្តដែលមានតម្លៃខ្ពស់កប់ពពក និងសម្ភារៈប្រើប្រាស់ទំនើបៗជាច្រើនទៀត។

ទោះបីជាក្រុមអ្នកភូមិចោមរោមមើលដោយក្តីស្ងប់ស្ញែង ក៏ប៉ុន្តែ ភាពស្ញប់ស្ញែងទាំងនោះបង្កប់ដោយការឈឺចាប់ និងអស់សង្ឃឹម។ ពួកគេតែងដណ្តឹងសួរគ្នាថា «តើជាតិណាទើបពួកយើងអាចមានទ្រព្យសម្បត្តិដូចគេ?» សំណួរនេះ ក៏បង្កប់ន័យខកចិត្តយ៉ាងខ្លាំងណាស់ដែរ។

ក្រៅពីទ្រព្យសម្បត្តិ មន្ត្រីភាគច្រើនប្រកាន់ឫកពារក្រអឺតក្រទមក្នុងនាមជាអ្នកមាននិងអ្នកទីក្រុង ដែលខុសស្រឡះពីអ្នកក្រនិងអ្នកស្រែចម្ការ។ កងអង្គរក្សព្រោងព្រាត អ្នកបើកទ្វារឡាន និងអ្នកហែហមតាមគោរពរណែបរណប សូម្បីតែពួកគេចុះទៅវាលស្រែសោះក៏ដោយ។ ពួកគេចង់បង្ហាញថា ធ្វើធំគឺដូច្នេះឯង។ មើលទៅ បញ្ហាមុខមាត់ហាក់ដូចជារឿងសំខាន់ណាស់គឺសំខាន់រហូតដល់ភ្លេចគិតពីភាពសមរម្យ និងការសម្របខ្លួនទៅនឹងមជ្ឈដ្ឋានប្រជាពលរដ្ឋ និងស្ថានភាពប្រទេសជាតិ។ មានមន្ត្រីច្រើនណាស់ដែលត្រូវប្រជាពលរដ្ឋនិយាយដើមពីក្រោយខ្នង ក្រោយពីចុះទៅមូលដ្ឋាន ឬសូម្បីតែទៅចែកអំណោយ។

ការប្រើអំណាចដើម្បីឲ្យគេខ្លាចក៏ជាបញ្ហាពេញនិយមមួយទៀត។ ជាទូទៅ អ្នកមានបុណ្យស័ក្តិច្រើនតែប្រាថ្នាចង់ឲ្យអ្នកផងទាំងពួងគោរព កោតខ្លាច ហើយតាំងខ្លួនជាអ្នកឈ្នះជានិច្ច មិនថា ខុសឬត្រូវឡើយ។ និយាយពីមន្ត្រីអាជ្ញាធរមូលដ្ឋានវិញ ការកេះកៀវរកលុយកាក់គឺជាជំងឺដែលពិបាកព្យាបាល។ ទោះបីជានាយករដ្ឋមន្ត្រីបញ្ជាឲ្យពួកគេបម្រើរាស្ត្រ ប៉ុន្តែ រហូតមកទល់ម៉ោងនេះ តើមានមន្ត្រីប៉ុន្មាននាក់ដែលធ្វើឯកសារ សំណុំបែបបទផ្សេងៗ ជូនប្រជាពលរដ្ឋដោយឥតគិតថ្លៃ ហើយយកទៅជូនដល់ផ្ទះដូចដែលលោកនាយករដ្ឋមន្ត្រីចង់បាននោះ?

ទម្លាប់មួយទៀតដែលមន្ត្រីចូលចិត្តធ្វើនោះ គឺការចូលចិត្តឲ្យគេផ្គាប់ផ្គន់។ ពេលមេចុះទៅដល់ណា កូនចៅតាមខ្សែបណ្តោយត្រូវតាមផ្គាប់ផ្គន់ យកចិត្តថ្លើម ទោះមេចង់បានអ្វីក៏បានដូចចិត្តពីព្រោះគឺដោយសារមេនេះហើយ បានជាពួកគេមានកាសធ្វើការនៅកន្លែងខ្លាញ់។ ដូច្នេះ មន្ត្រីថ្នាក់ក្រោមធ្វើការផ្គាប់ចិត្តមេជាងផ្គាប់ចិត្តម្ចាស់ឆ្នោត។ ការប្រតិបត្តិបែបនេះ ហាក់បានកើតឡើងតៗគ្នា តាំងពីថ្នាក់លើរហូតថ្នាក់ក្រោម។ នេះគ្រាន់តែជាចំណុចខ្លះៗដែលស្តីពីអាកប្បកិរិយាអវិជ្ជមាន របស់មន្ត្រីមួយចំនួនតែប៉ុណ្ណោះ។ រូបភាពអវិជ្ជមានទាំងនេះស្ថិតក្រោមក្រសែភ្នែកតាមដានរបស់ប្រជាពលរដ្ឋគ្រប់ពេលវេលា។ ទីបំផុត វាក៏ផ្តល់ផលអវិជ្ជមានដល់រដ្ឋាភិបាលវិញ។

ដូច្នេះ រយៈពេល៥ឆ្នាំខាងមុខនេះ ជាពេលវេលាសំខាន់ណាស់ដែលមន្ត្រីត្រូវផ្លាស់ប្តូរឥរិយាបថអវិជ្ជមានរបស់ខ្លួនជាចាំបាច់ មុននឹងនិយាយដល់កំណែទម្រង់គោលនយោបាយផ្សេង។ ប្រសិនបើមិនដូច្នោះទេ រដ្ឋាភិបាលច្បាស់ជាមិនអាចស្តារប្រជាប្រិយភាពរបស់ខ្លួនបានឡើយ

Tuesday, October 1, 2013

សួរលោកឯកអគ្គរដ្ឋទូត

Tuesday, September 24, 2013

លោកនាយករដ្ឋមន្ត្រី ហ៊ុន សែន ព្រមានសមាជិកគណៈរដ្ឋមន្ត្រីឲ្យប្តូរឥរិយាបថ

លោកនាយករដ្ឋមន្ត្រី ហ៊ុន សែន បានព្រមានរដ្ឋមន្ត្រីរបស់ខ្លួន ក្នុងការប្រជុំគណៈរដ្ឋមន្ត្រីជាលើកដំបូង។

@rfi

ដោយ ប៉ែន បូណា

ក្នុងឱកាសប្រជុំគណៈរដ្ឋមន្ត្រីថ្មីលើកដំបូងនៃរដ្ឋាភិបាលអាណត្តិទី៥ នៅព្រឹកថ្ងៃពុធនេះ លោកនាយករដ្ឋមន្ត្រី ហ៊ុន សែន បានដំឡើងសំឡេងខ្លាំងៗដាក់មន្ត្រីរបស់ខ្លួនដោយសុំឲ្យពួកគេផ្លាស់ប្តូរឥរិយាបថនិងការដឹកនាំជាដាច់ខាត។ ប្រមុខរដ្ឋាភិបាលបានបញ្ជាឲ្យរដ្ឋបាលសាធារណៈបើកវេទិកាសាធារណៈដើម្បីអនុញ្ញាតឲ្យពលរដ្ឋចង្អុលមុខមន្ត្រីដែលធ្វើខុស។ វិធានការជាច្រើនត្រូវបានប្រកាសក្នុងគោលដៅបម្រើពលរដ្ឋឲ្យមានប្រសិទ្ធភាព។

គ្មានទៀតឡើយការយោគយល់និងអត់ឱនដល់មន្ត្រីក្រោមឱវាទដែលប្រព្រឹត្តខុស។ នេះជាពាក្យបញ្ជាម៉ឺងម៉ាត់របស់លោកនាយករដ្ឋមន្ត្រី ហ៊ុន សែន នៅចំពោះមុខសមាជិកគណៈរដ្ឋមន្ត្រីថ្មីសម្រាប់រដ្ឋាភិបាលអាណត្តិទី៥។ ក្រោយពីបង្ហាញគោលនយោបាយនិងការសន្យាកំណែទម្រង់ដ៏វែងអន្លាយសំដៅបម្រើប្រជាពលរដ្ឋម្ចាស់ឆ្នោតឲ្យបានល្អជាងមុន លោកនាយករដ្ឋមន្ត្រីក៏បានដំឡើងសំឡេងដាក់សមាជិកគណៈរដ្ឋមន្ត្រីយ៉ាងខ្លាំងៗដោយសុំឲ្យពួកគេផ្លាស់ប្តូរឥរិយាបថជាចាំបាច់។

ដើម្បីចាត់វិធានការឲ្យមានការផ្លាស់ប្តូរឥរិយាបថរបស់មន្ត្រី និងក៏ដូចជាដើម្បីបម្រើប្រជាពលរដ្ឋឲ្យមានប្រសិទ្ធភាព លោកនាយករដ្ឋមន្ត្រីបានបញ្ជាឲ្យមានការរៀបចំធ្វើវេទិកាសាធារណៈរវាងមន្ត្រី និងប្រជាពលរដ្ឋ ឬរវាងប្រធានស្ថាប័នជាមួយមន្ត្រីក្រោមឱវាទ។

វិធីនេះត្រូវបានប្រមុខរដ្ឋាភិបាលចាត់ទុកជាការឆ្លុះកញ្ចក់ដើម្បីស្វែងយល់ពីកំហយសឆ្គងរបស់ខ្លួន។ នៅក្នុងវេទិកាសាធារណៈឬហៅថាជាសមាជផ្ទៃក្នុង ប្រជាពលរដ្ឋ ឬមន្ត្រីរាជការមានសិទ្ធិឡើងចង្អុលមុខមន្ត្រីដែលបានប្រព្រឹត្តខុសឆ្គង។

លោកនាយករដ្ឋមន្ត្រីក៏បានព្រមានដល់រដ្ឋមន្ត្រីរបស់ខ្លួនឲ្យបញ្ឈប់ការប្រើសិទ្ធអំណាចគាបសង្កត់ថ្នាក់ក្រោម ឬការបង្កើតបណ្តាញក្រុមគ្រួសារក្នុងក្រសួងដែលខ្លួនដឹកនាំ។ លោកទទួលស្គាល់ថា គណៈរដ្ឋមន្ត្រីថ្មីមានសមាសភាពចាស់ភាគច្រើនដដែល ប៉ុន្តែ មន្ត្រីចាស់ទាំងនោះត្រូវតែផ្លាស់ប្តូរឥរិយាបថ ហើយចាប់យកគំនិតថ្មី និងរបៀបដឹកនាំថ្មី។ នៅឯថ្នាក់មូលដ្ឋានវិញ អំពើពុករលួយតាមរយៈការដាក់កុងត្រូលយកលុយតាមផ្លូវ ឬការទារលុយពីពលរដ្ឋពេលធ្វើលិខិតស្នាមជាដើមត្រូវតែលុបបំបាត់ជាដាច់ខាត។

ទន្ទឹមនឹងនោះ លោកនាយករដ្ឋមន្ត្រីក៏បានព្រមានរដ្ឋមន្ត្រីរបស់ខ្លួនឲ្យទទួលខុសត្រូវចំពោះ មុខរដ្ឋសភាទៀតផង។ លោកបានរម្លឹកថា រដ្ឋមន្ត្រីត្រូវទទួលខុសត្រូវចំពោះមុខនាយករដ្ឋមន្ត្រី និងរដ្ឋសភា។ ក្នុងន័យនេះ លោកបានបើកសិទ្ធិឲ្យរដ្ឋសភាកោះអញ្ជើញរដ្ឋមន្ត្រីណាម្នាក់មកសាកសួរឬធ្វើញត្តិស្តីបន្ទោសយ៉ាងពេញលេញផងដែរ។ លើសពីនេះ លោកនាយករដ្ឋមន្ត្រីចាស់អាណត្តិថ្មីក៏បានសុំឲ្យមន្ត្រីរបស់ខ្លួនទទួលយកមតិរិះគន់ស្ថាបនាពីគណបក្សប្រឆាំង និងសង្គមស៊ីវិល ព្រមទាំងផ្តល់តម្លៃដល់បណ្តាញផ្សាយព័ត៌មាន។

លោកនាយករដ្ឋមន្ត្រីក៏មិនភ្លេចសន្យាលើកតម្កើងប្រជាធិបតេយ្យ នីតិរដ្ឋ និងការគោរពសិទ្ធិ និងសេចក្តីថ្លៃថ្នូររបស់ពលរដ្ឋផងដែរ។ យ៉ាងណាក៏ដោយ លោកបានបញ្ជាក់យ៉ាងម៉ឺងម៉ាត់ថា រដ្ឋាភិបាលប្រឆាំងជាដាច់ខាតរាល់សកម្មភាពឬការញុះញង់ដែលនាំឲ្យមានអស្ថិរភាព និងចលាចលសង្គម។

សូមបញ្ជាក់ថា ក្នុងរយៈពេលពេញមួយព្រឹកនេះ កិច្ចប្រជុំគណៈរដ្ឋមន្ត្រីថ្មីនៅមិនទាន់ចប់នៅឡើយទេ។ លោកនាយករដ្ឋមន្ត្រីនៅបន្តបង្ហាញកំណែទម្រង់ដ៏វែងអន្លាយលើគ្រប់វិស័យដោយចាត់ទុកកំណែទម្រង់ជាបញ្ហាស្លាប់រស់។ ការដំឡើងប្រាក់ខែជូនមន្ត្រីរាជការស៊ីវិល និងប្រដាប់អាវុធក៏ត្រូវបានបង្ហាញផងដែរ៕
http://www.khmer.rfi.fr/cambodia/20130925-cambodia-hun-sen-warn-minister

សភានិងរដ្ឋាភិបាល៖ ទារកដែលកើតមិនគ្រប់ទម្ងន់

ស្តាប់ (05:09)

បញ្ចូលទៅក្នុង Playlist របស់ខ្ញុំ

ចម្លងទុក

ព្រះមហាក្សត្រ និងសមាជិកសភាថ្មី ថតរូបរួមគ្នា ក្នុងថ្ងៃបើកប្រជុំសភា លើកដំបូងថ្ងៃទី ២៣ ខែកញ្ញា ឆ្នាំ២០១៣។

@ reuters

ដោយ ប៉ែន បូណា

រដ្ឋសភា និងរដ្ឋាភិបាលថ្មីអាណត្តិទី៥បានកើតចេញជារូបរាងហើយបន្ទាប់ពីការបោះឆ្នោតអនុម័តដោយអ្នកតំណាងរាស្ត្រជាប់ឆ្នោតទាំង ៦៨ រូបរបស់គណបក្សប្រជាជនកម្ពុជាកាលពីព្រឹកថ្ងៃអង្គារទី ២៤ កញ្ញាម្សិលមិញ។ ប៉ុន្តែ អ្នកតំណាងរាស្ត្រជាប់ឆ្នោតមួយក្រុមទៀតមកពីគណបក្សប្រឆាំងមិនបានចូលប្រជុំសភាទេ។បញ្ហានេះហើយដែលធ្វើឲ្យរដ្ឋសភា និងរដ្ឋាភិបាលថ្មីអាណត្តិទី៥នេះត្រូវគេប្រៀបប្រដូចទៅនឹងទារកដែលកើតមិនគ្រប់ទម្ងន់។ តើរដ្ឋសភា និងរដ្ឋាភិបាល មិនគ្រប់ទម្ងន់នឹងត្រូវប្រឈមមុខនឹងផលវិបាកអ្វីខ្លះ?

អ្នកដែលបានតាមដានការវិវឌ្ឍនយោបាយកម្ពុជាចុងក្រោយនេះពិតជាមានអារម្មណ៍ហួសចិត្តផងឬសង្វេគផងក៏ថាបាន។ សង្វេគនៅត្រង់ថា ក្រោយការបោះឆ្នោត អ្នកតំណាងរាស្ត្រជាប់ឆ្នោតមួយក្រុមចូលប្រជុំសភានិងបានធ្វើសច្ចាប្រណិធាននៅក្នុងព្រះបរមរាជវាំង។ ចំណែកតំណាងរាស្ត្រជាប់ឆ្នោតមួយក្រុមទៀតបែរជាទៅជួបជុំនិងស្បថនៅពីមុខប្រាសាទអង្គរវត្តក្នុងខេត្តសៀមរាបឯណោះទៅវិញ។

មិនតែប៉ុណ្ណោះ អ្នកតំណាងរាស្ត្រទាំងពីរក្រុមនេះដែលទទួលបានសំឡេងគាំទ្រពីពលរដ្ឋម្ចាស់ឆ្នោតដូចគ្នាបែរទៅជាចង្អុលមុខគ្នាថាជាអ្នករំលោភបំពានរដ្ឋធម្មនុញ្ញទៅវិញ។ តើអ្នកណាជាអ្នករំលោភរដ្ឋធម្មនុញ្ញ? សំណួរនេះ សូមទុកឲ្យអ្នកច្បាប់ទាំងឡាយបកស្រាយទៅចុះ ប៉ុន្តែ អ្វីដែលគេអាចមើលឃើញច្បាស់នៅពេលនេះគឺ ផលវិបាករបស់វាបានធ្វើឲ្យរដ្ឋសភា និងរដ្ឋាភិបាលថ្មីក្រោយការបោះឆ្នោតមានលក្ខណៈមិនគ្រប់គ្រាន់ប្រៀបបាននឹងទារកដែលកើតមកមិនគ្រប់ទម្ងន់ដែលត្រូវទទួលការព្យាបាលជាចាំបាច់។

ជាការពិតណាស់ វិបត្តិនយោបាយក្រោយការបោះឆ្នោតជារឿងដែលបានកើតឡើងស្ទើរតែស៊ាំទៅហើយ។ លើកណាក៏ដូចជាលើកណាដែរ ឲ្យតែបោះឆ្នោតហើយ គណបក្សដែលទទួលបានសំឡេងគាំទ្រក្នុងសភាមិនដែលបានចូលប្រជុំសភាដោយស្រុះស្រួលគ្នាឡើយ។ ទោះជាត្រូវចូលប្រជុំទាំងអស់គ្នា ក៏ពួកគេបានឆ្លងកាត់ជម្លោះបែកផ្សែងជាច្រើនខែរួចទៅហើយដែរ។ តើនេះជាចំណុចខ្សោយរបស់អ្នកនយោបាយខ្មែរដែលមិនអាចកែបានមែនឬ?

លើកនេះអាចាត់ទុកថាជាសំណាងល្អទៅចុះសម្រាប់គណបក្សកាន់អំណាចដោយសារការបង្កើតរដ្ឋាភិបាលមិនទាមទារឲ្យមានសំឡេងគាំទ្រពីរភាគបីដូចកាលពីលើកមុន។ ប្រសិនបើមិនដូច្នោះទេ ម្ល៉េះសមការបង្កើតរដ្ឋាភិបាលថ្មីត្រូវជាប់គាំងជាច្រើនខែតទៅទៀតជាមិនខាន។

ទោះបីជាការជាប់គាំងត្រូវបានបញ្ចៀសមែន ប៉ុន្តែ រដ្ឋសភានិងរដ្ឋាភិបាលថ្មីដែលទើបតែកើតចេញនៅពេលនេះក៏នៅមានចំណុចប្រឈមចំពោះមុខជាច្រើនទៀតដែរ៖ចំណុចប្រឈមទី១គឺ ការទប់ទល់ជាមួយគណបក្សសង្គ្រោះជាតិដែលកំពុងស្ថិតនៅក្រៅរដ្ឋសភា។ មិនថាមហាបាតុកម្ម ឬជាសកម្មភាពអ្វីផ្សេងទៀតឡើយសុទ្ធតែជារំខានដល់ដំណើររបស់រដ្ឋាភិបាលគណបក្សប្រជាជនកម្ពុជាទាំងអស់ពីព្រោះអ្នកតំណាងរាស្ត្រ ៥៥ នាក់តំណាងឲ្យអ្នកបោះឆ្នោតជិត ៣លាននាក់ចេញធ្វើសកម្មភាពប្រឆាំងរដ្ឋាភិបាលគ្រប់បែបយ៉ាងមិនមែនជារឿងសាមញ្ញពេកនោះឡើយ។

ចំណុចប្រឈមទី២ គឺរដ្ឋសភានិងរដ្ឋាភិបាលដែលមានទម្ងន់មិនគ្រប់គ្រាន់នឹងធ្វើឲ្យស្ថាប័នរដ្ឋទាំងពីរមានរូបភាពមិនសូវល្អទាំងនៅក្នុងឆាកនយោបាយជាតិ និងនៅលើឆាកអន្តរជាតិ។ ជាក់ស្តែង បណ្តាប្រទេសមួយចំនួនដូចជាសហរដ្ឋអាមេរិក និងសហភាពអឺរ៉ុបជាដើមនៅតែបន្តជំរុញឲ្យគណបក្សជាប់ឆ្នោតទាំងពីរចូលរួមក្នុងរដ្ឋសភាដដែល។ នេះមានន័យថា បណ្តាប្រទេសទាំងនោះនៅមិនទាន់ផ្តល់តម្លៃពេញលេញដល់រដ្ឋសភា និងរដ្ឋាភិបាលថ្មីរបស់កម្ពុជានោះឡើយទេ។

ដូច្នេះ ខណៈដែលរដ្ឋាភិបាលថ្មីនេះមិនសូវមានទឹកមាត់ប្រៃជាមួយសហគមន៍អន្តរជាតិ រីឯនៅជ្រុងម្ខាងទៀត រវល់តែចំណាយកម្លាំង និងធនធានសម្រាប់ទប់ទល់ជាមួយបក្សប្រឆាំងនោះ តើរដ្ឋាភិបាលមានពេលវេលា និងថាមពលលគ្រប់គ្រាន់ដែរឬទេសម្រាប់អនុវត្តនយោបាយកំណែទម្រង់ស៊ីជម្រៅដែលខ្លួនត្រូវធ្វើក្នុងគ្រប់វិស័យដូចការសន្យានោះ? ទាំងនេះគឺជាបញ្ហាប្រឈមធ្ងន់ធ្ងរណាស់របស់រដ្ឋាភិបាលអាណត្តិទី។

ពិតហើយថា អាចមានអ្នកខ្លះសប្បាយចិត្តនឹងឃើញស្ថានភាពបែបនេះ ប៉ុន្តែ សូមកុំភ្លេចថា ផលវិបាករបស់វានឹងធ្លាក់ទៅលើពលករដ្ឋខ្មែរគ្រប់គ្នាមុនគេ។ ដូច្នេះ ប្រសិនបើអាចបញ្ចប់បាននៅមិនទាន់ហួសពេលទេដែលអ្នកនយោបាយគួរតែរិះរកមធ្យោបាយស្រុះស្រួលគ្នាដើម្បីពង្រឹងរដ្ឋសភា និងរដ្ឋាភិបាលថ្មីឲ្យមានកម្លាំងជាងនេះ។ ក្នុងន័យនេះ គណបក្សទាំងពីរគួរតែងាកមករកការចរចាគ្នាជាថ្មីហើយរកច្រកណាមួយសមរម្យដែលអនុញ្ញាតឲ្យគណបក្សទាំងពីរមានលទ្ធភាពតស៊ូនយោបាយជាមួយគ្នាប្រកបដោយតុល្យភាពនៅក្នុងរដ្ឋសភា។ នេះជាវិធីដ៏ល្អបំផុតមួយ។

ផ្ទុយទៅវិញ ការបន្តបែរខ្នងដាក់គ្នាហើយនៅតែប្រើទម្លាប់យកឈ្នះចិត្តគ្នាទៅវិញទៅមកដោយម្ខាងសម្អាងលើសំឡេងភាគច្រើនដាច់ខាតដែលខ្លួនអាចធ្វើអ្វីក៏បាន រីឯម្ខាងទៀតសម្អាងលើសន្ទុះចិត្តអ្នកគាំទ្រហើយបន្តតស៊ូគ្រប់រូបភាពនៅក្រៅរដ្ឋសភានោះ ទីបំផុត ភាគីទាំងពីរនឹងខាតបង់ទាំងអស់គ្នា។ អ្នកដែលខាតបង់ធ្ងន់ជាងគេគឺប្រទេសជាតិនិងប្រជាពលរដ្ឋខ្មែរ៕
ផ្សាយបន្តទាំងស្រុងពី៖

ប្រសាសន៍សំខាន់ របស់សម្តេចតេជោ ហ៊ុន សែន សម្រាប់កំណែទម្រង់ រាជរដ្ឋាភិបាលថ្មី (មានសំឡេង)

Wednesday, 25 September 2013 10:28 ដោយ៖ សយ សុភា

សម្តេចតេជោ ហ៊ុន សែន ក្នុងកិច្ចប្រជុំគណៈរដ្ឋមន្រ្តីលើកដំបូង សម្រាប់រាជរដ្ឋាភិបាល អាណត្តិថ្មីបានលត់មន្រ្តី របស់សម្តេចយ៉ាងចាស់ដៃ និងធ្ងន់ៗ។

- សម្តេចតេជោ បានស្នើឲ្យបង្កើតវេទិកាសាធារណៈ ជាមួយប្រជាពលរដ្ឋនៅគ្រប់ទីកន្លែង ដើម្បីស្តាប់មតិ ប្រជាពលរដ្ឋ។ សម្តេចបន្តថា សម័យនេះ ប្រជាពលរដ្ឋហ៊ានចង្អុលមុខមន្រ្តី សម្តេចស្នើឲ្យប្រជាពលរដ្ឋ បើមេឃុំ មេស្រុក មេខេត្ត មេប៉ូលិសខុស ចង្អុលឲ្យចំៗមុខៗតែម្តង។ សម្តេចបញ្ជាក់ថា វេទិកាត្រូវតែធ្វើជាមួយប្រជាពលរដ្ឋ មិនមែនធ្វើជាមួយគណបក្សនោះទេ ត្រូវតែធ្វើជាមួយប្រជាពលរដ្ឋគ្រប់និន្នការ ដើម្បីធ្វើជាកញ្ចក់ឆ្លុះបញ្ចាំង។

- សម្តេច ក៏បានជំរុញរដ្ឋមន្រ្តីតាមក្រសួងឈប់ដើរពើងទ្រូង ត្រូវអង្គុយនិយាយគ្នាជាមួយមន្រ្តីថ្នាក់ក្រោម និងចេះ ពិភាក្សាផ្ទៃក្នុង ដើម្បីកែតម្រូវគ្នា។

- សម្តេច បានហៅកុងត្រូលជជុះ ថាជាបញ្ហាជ្រាំដែល ហើយបញ្ជាឲ្យលប់បំបាត់ឲ្យបាននៅអាណត្តិថ្មី រួមទាំងអំពើ ពុករលួយកើតចេញពីការធ្វើលិខិតស្នាមនានាផងដែរ។

- សម្តេចឲ្យមន្រ្តីទាំងអស់ផ្លាស់ប្តូរកាតគិត ឥរិយាបថ ដើម្បីឆ្លើយតបទៅនិងការចង់បាន របស់ប្រជាពលរដ្ឋ។ សម្តេច បញ្ជាក់ថា បើមិនកែ មានការផ្លាស់ប្តូរ រដ្ឋមន្រ្តី កុំបន្ទោសសម្តេច។

- សម្តេចដាក់បទបញ្ជាធ្ងន់ៗ ឲ្យលប់បំបាត់ការគ្រប់គ្រងក្រសួងលក្ខណៈគ្រួសារ បញ្ឈប់វប្បធម៌ ប្តីស័ក្តិ៣ ប្រពន្ធ ស័ក្តិ៤ កូនស័ក្តិ៥ ប្រសិនបើមានករណីនេះ សម្តេចនិងធ្វើកំណែទម្រង់ ដោយសម្តេចមិនទុកឲ្យនាំគ្រោះថ្នាក់ដល់ សម្តេច និងរាជរដ្ឋាភិបាលនោះទេ។

- សម្តេចក៏បានមានប្រាសាសន៍ ឲ្យមន្រ្តីរាជរដ្ឋាភិបាល កាត់បន្ថយការធ្វើខួបកំណើត ដោយសម្តេចបញ្ជាក់ថា ការ ធ្វើខួបកំណើតនេះ ជាការដាក់គំនាបទៅលើមន្រ្តីក្រោមឱវាទ និងនាំឲ្យមន្រ្តីស្អប់ខ្ពើម។

- សម្តេចបានបញ្ជាក់ថា នៅអាណត្តិថ្មីនេះ បក្សប្រឆាំងនៅក្នុងរដ្ឋសភាមានសិទ្ធិកោះហៅ មន្រ្តីតាមក្រសួងទៅសួរ នាំ ហើយអាចដាក់ញ្ញត្តិដកសេចក្តីទុកចិត្ត។ សម្តេចបញ្ជាក់ថា សម្តេចឈប់អាណិត ឬជួយទៀតហើយ។

- សម្តេចបើកចំហរឲ្យមានសុំឱ្យមានរបបប្រជុំមួយ ដែលមានចាប់ពីមន្រ្តីមុខងារនយោបាយ ថ្នាក់នាយករដ្ឋមន្រ្តី ឧបនាយករដ្ឋមន្រ្តី រដ្ឋមន្រ្តី រដ្ឋលេខាធិការ និងអនុរដ្ឋលេខាធិការ ធ្វើឱ្យមានការទិទៀន នាយករដ្ឋមន្រ្តី ទិទៀន ឧបនាយករដ្ឋមន្រ្តី...។ អ្នកត្រួតពិនិត្យខ្ញុំ គឺចាប់ពីមន្រ្តីមុខងារនយោបាយឡើង។

- សម្តេចបន្តថា មានតែវេទិកាសាធារណៈទេ ទើបអាចធ្វើកំណែទម្រង់បាន។

- សម្តេចបញ្ជាក់ថា ក្រសួងជាក្រសួងរបស់ជាតិ កុំយកក្រសួងទៅធ្វើជារបស់ផ្ទាល់ខ្លួន។ សម្តេចបានបញ្ជាក់ថា បើសម្តេចមានប្រសាសន៍ប៉ុណ្ណឹងហើយ មិនអាចធ្វើបាន នឹងឈានចូលដល់ការការព្យាបាលវះកាត់ ដែលរួមមាន ការដកហូតតំណែង ចាប់ខ្លួន និងដាក់ពាក្យបណ្តឹងទៅតុលាការ។

-សូមឱ្យអស់លោក មន្រ្តីអានកាសែត និង មើលទូរទស្សន៍ផង។ មួយជីវិត ខ្ញុំ ព័ត៌មាន ប្រៀបបានទៅនឹងបាយ និង បារី។ រដ្ឋាភិបាល អត់មានផែនការបិទហ្វេសប៊ុកទេ។

-សូមជម្រាបមន្រ្តីរាជការ ទាំងអស់ឱ្យបានជ្រាប ថា បើមានលុយបើកប្រាក់ខែ មិនចាំឱ្យគេមកឃោសនា យក សន្លឹកឆ្នោតបាននោះទេ។ ដោយសារវាអត់លុយ បើមានលុយឱ្យដល់២លានរៀល វាមិនល្អ ចាំបាច់ឱ្យគេមក ឃោសនា។ អត់មានប្រទេសណារដ្ឋាភិបាល ទៅខ្ចីបុល ពីបរទេស មកបើកប្រាក់ខែនោះទេ មានតែប្រទេសក្រិច មួយទេ។

ប្រភព៖ ដើមអម្ពិល

សម្តេច ហ៊ុន សែន ទម្លាយថា ការជាប់គាំងក្នុងកិច្ចចរចា ដោយសារតែគណបក្សសង្គ្រោះជាតិ ទារយកប្រធានរដ្ឋសភា

ភ្នំពេញ: សម្តេចនាយករដ្ឋមន្ត្រី ហ៊ុន សែន បានទម្លាយប្រាប់ក្រុមអ្នកកាសែត នៅព្រឹកថ្ងៃទី២៤កញ្ញានេះថា ការជាប់គាំងក្នុងកិច្ចចរចា រវាងគណបក្សប្រជាជនកម្ពុជា និងគណបក្សសង្គ្រោះជាតិ កន្លងមក ដោយសារតែគណបក្សសង្គ្រោះជាតិ ទាមទារយកតំណែងប្រធានរដ្ឋសភា។

សម្តេច ហ៊ុន សែន បន្ទាប់ពីកិច្ចប្រជុំរដ្ឋសភា បានបញ្ជាក់ប្រាប់ក្រុមអ្នកកាសែត មុននឹងឡើងឡានថា គណបក្សប្រជាជនកម្ពុជា មិនអាចឲ្យគណបក្ស ដែលមានសំឡេងភាគតិច ក្នុងរដ្ឋសភា កាន់កាប់ជាប្រធានរដ្ឋសភាបានទេ។

ប៉ុន្តែយ៉ាងណាក៏ដោយ សម្តេច ហ៊ុន សែន នៅតែអះអាងពីលទ្ធភាពនៃការចរចាជាមួយគណបក្សសង្គ្រោះជាតិ និងការព្រមធ្វើសម្បទាន ផ្តល់តំណែងជាអនុប្រធានរដ្ឋសភាមួយ ប្រធានគណៈកម្មការ ៤ និងអនុប្រធានគណៈកម្មការចំនួន ៥ នៅក្នុងរដ្ឋសភា ដល់គណបក្សសង្គ្រោះជាតិ។

តែសម្តេច ហ៊ុន សែន បានប្រកាសថា មុននឹងឈានដល់ការចរចាលើបញ្ហានេះ ទាល់តែសមាជិកសភាគណបក្សសង្គ្រោះជាតិ ចូលស្បថក្នុងព្រះបរមរាជវាំងជាមុនសិន។

ក្នុងនោះសម្តេច ក៏បានគូសបញ្ជាក់ថា សមាជិកសភារបស់គណបក្សសង្គ្រោះជាតិ មានត្រឹមតែ ៥៥ រូបទេ មិនមែន ៦៣ រូប ដូចគណបក្សប្រឆាំងនេះ ប្រកាសនោះឡើយ។

យ៉ាងណាក៏ដោយ ពាក់ព័ន្ធនឹងការប្រកាសបើកចំហរផ្តល់តំណែងអនុប្រធានសភាមួយ និងប្រធានគណៈកម្មការជំនាញរដ្ឋសភាមួយចំនួន ដល់គណបក្សសង្គ្រោះជាតិ នៅក្នុងរដ្ឋសភា ត្រូវបានសម្តេច ហ៊ុន សែន បញ្ជាក់ថា ត្រូវឆ្លងកាត់ការបោះឆ្នោត ដាច់ដោយឡែកពិសេសមួយ នៅក្នុងរដ្ឋសភា ដោយមិនមែនធ្វើជាកញ្ចប់ ដូចការបោះឆ្នោតជ្រើសតាំងសមាសភាពថ្នាក់ដឹកនាំរដ្ឋសភា និងរាជរដ្ឋាភិបាល ដូចកាលពីព្រឹកមិញទេ។

ពេលនោះ សម្តេចហ៊ុនសែន ព្រមានថា ខ្លាចក្រែងលោ សមាជិករដ្ឋសភា៦៨ រូប របស់គណបក្សប្រជាជនកម្ពុជា មិនអាចលើកដៃគាំទ្រ បេក្ខភាពរបស់អ្នកតំណាងរាស្ត្រគណបក្សសង្គ្រោះជាតិ ជាអនុប្រធានរដ្ឋសភា និងប្រធានគណៈកម្មការជំនាញមួយចំនួននៃរដ្ឋសភា ក្នុងកាលៈទេសៈពេលនេះ៕

ប្រភពព័ត៌មានៈ CEN

Monday, September 23, 2013

រដ្ឋសភា ចេញបញ្ជីរាយនាម នៃសមាសភាពរដ្ឋសភា គណៈកម្មការជំនាញ និងរាជរដ្ឋាភិបាល នីតិកាលទី៥

ភ្នំពេញ: នៅព្រឹកថ្ងៃទី២៤ ខែកញ្ញា ឆ្នាំ២០១៣ រដ្ឋសភាជាតិ បានចេញផ្សាយជាសាធារណៈ នូវបញ្ជីរាយនាម សមាសភាពប្រធាន អនុប្រធានរដ្ឋសភា ប្រធាន អនុប្រធានគណៈកម្មការជំនាញទាំងអស់នៃរដ្ឋសភា និងសមាសភាពរបស់រាជរដ្ឋាភិបាលនៃព្រះរាជាណាចក្រកម្ពុជា សម្រាប់នីតិកាលទី៥ នៃរដ្ឋសភា។បញ្ជីរាយនាមនេះមានខ្លឹមសារទាំងស្រុង ដូចខាងក្រោម ៖

- See more at: http://www.cen.com.kh/localnews/show_detail/19?token=MTM3Y2JlMz#sthash.EKk7awo1.dpuf

តែងតាំងនាយករដ្ឋមន្ត្រី អណត្តិទី៥

សេចក្តីថ្លែងការណ៍របស់ស្ថានទូតអាមេរិក ស្តីពីការបើកសម័យប្រជុំដំបូង របស់រដ្ឋសភា នីតិកាលទី៥

(ចេញផ្សាយថ្ងៃទី 23-09-2013, 1:59 pm) | ដោយ ៖ អ្នកស្រែ

លោក William E. Todd ឯកអគ្គ រដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា កាលពីព្រឹកថ្ងៃទី២៣ ខែកញ្ញា ឆ្នាំ២០១៣នេះ ស្ថានទូតអាមេ រិក បានចេញសេចក្តីថ្លែងការភ្លាមៗផងដែរ ស្តីពីការបើកសម័យប្រជុំដំបូងរបស់រដ្ឋសភានីតិកាលទី៥។

នៅក្នុងសេចក្តីថ្លែងការណ៍របស់ស្ថានទូតអាមេរិក ដែលធ្វើឡើងស្របពេលកម្ពុជាបើកប្រជុំសភានីតិកាលទី៥ នេះ បានបញ្ជាក់ថា «សហរដ្ឋអាមេរិកសូមស្នើឲ្យមានការត្រួតពិនិត្សឡើងវិញ ដោយតំលាភាពនូវភាពមិនប្រក្រតីនានា ទាក់ទងការបោះឆ្នោតជាតិកាលពីថ្ងៃទី២៨ ខែកក្កដា ដែលនឹងជួយដល់កិច្ចប្រឹងប្រែងក្នុងការវាយតម្លៃ និងដោះ ស្រាយនូវរាល់កំហុសឆ្គងផ្សេងៗនៅក្នុងដំណើរការនៃការបោះឆ្នោត ហើយនឹងផ្តល់ឲ្យប្រជាពលរដ្ឋកម្ពុជានូវទំនុក ចិត្តកាន់តែច្រើនថែមទៀតទៅលើប្រព័ន្ធបោះឆ្នោត»។

Monday, September 16, 2013

កំណត់កាលប្រជុំរដ្ឋសភា នីតិកាលទី៥ បើកសម័យប្រជុំដំបូង

Sunday, September 15, 2013

ព្រះរាជសារ អំពាវនាវ បន្ទាប់ពីផ្ទុះបាតុកម្មហិង្សា មានមនុស្សស្លាប់ និងរបួស

ប្រភព៖ ព្រះបរមរាជវាំង

យុវជនម្នាក់ស្លាប់ដោយគ្រាប់កាំភ្លើងរបស់ប៉ូលិសនៅក្នុងអំពើហិង្សានៅម្តុំស្ពានអាកាសមុនីវង្ស

ប៉ូលិសប្រើគ្រាប់បែកផ្សែង និងឡានទឹកដើម្បីវាយបំបែកហ្វូងបាតុករនៅថ្ងៃអាទិត្យ ទី ១៥កញ្ញា

©REUTERS/Samrang Pring

យុវជនម្នាក់បានស្លាប់ដោយគ្រាប់កាំភ្លើងរបស់ប៉ូលិស និងបីនាក់ផ្សេងទៀតរងរបួស នៅក្នុងការប្រឈមមុខដាក់គ្នាដាច់ដោយឡែកគ្នាមួយ រវាងក្រុមយុវជនមួយក្រុម ជាមួយប៉ូលិស នៅម្តុំស្ពានក្បាលថ្នល់។ នេះបើតាមព័ត៌មានពីលោកចាន់ សាវ៉េត មន្រ្តីស៊ើបអង្កេតរបស់អង្គការសិទ្ធិមនុស្សអាដហុក ដែលវត្តមាននៅកន្លែងកន្លែងកើតហេតុ នៅយប់ថ្ងៃអាទិត្យទី ១៥ កញ្ញានេះ។

តាមលោកចាន់ សាវ៉េត ប៉ូលិសបានប្រើគា្រប់កាំភ្លើងពិត គ្រាប់បែកផ្សែង និងឡានទឹកបាញ់លើក្រុមយុវជនជាង៣០នាក់ ដែលបានប្រឈមមុខតទល់ជាមួយជាមួយប៉ូលិស ដែលមានប្រមាណ៣ពាន់នាក់។ តាមលោកចាន់ សាវ៉េត យុវជនមួយក្រុមនោះមិនស្ថិតនៅក្នុងចំណោមក្រុមបាតុករដឹកនាំដោយគណបក្សសង្រ្គោះជាតិទេ ដោយសារគណបក្សសង្រ្គោះជាតិបានរំសាយបាតុកម្មតាំងតែពីរសៀលម្ល៉េះ។ គេមិនដឹងថា តើយុវជនមួយក្រុមនោះមានប្រភពមកពីណាទេ ប៉ុន្តែ តាមលោកចាន់ សាវ៉េត ពួកយុវជនខឹង តវ៉ាចំពោះការបិទផ្លូវ ដែលធ្វើឡើងដោយអាជ្ញាធរចាប់តាំង ពីម៉ោង បីព្រឹកភ្លឺ នៅថ្ងៃ អាទិត្យ។ ការបិទផ្លូវដែលបណ្តាលឲ្យមានការកកស្ទះចរាចរណ៍ខ្លាំងនៅម្តុំស្ពានមុនីវង្ស។

បើតាមលោកចាន់ សាវ៉េតដដែល យុវជនដែលត្រូវស្លាប់ដោយគ្រាប់ប៉ូលិស មិនមែនជាមនុស្សក្នុងចំណោមយុវជនទាំងជាង៣០នាក់នោះទេ ប៉ុន្តែ គឺគ្រាន់តែអ្នកមើល។ ចំណែកមនុស្សបីនាក់ផ្សេងទៀត បានរងរបួសដោយគ្រាប់កំាភ្លើង ឬភ្លើងដែលចេញពីគ្រាប់បែកផ្សែងរបស់ប៉ូលិស។ លោកចាន់សាវ៉េត ដែលនៅកន្លែងកើតហេតុ រហូតដល់ម៉ោង១០កន្លះយប់ ថ្ងៃអាទិត្យ បាននិយាយថា លោកឃើញគេចាប់មនុស្សយ៉ាងតិច ១០នាក់ នៅក្នុងការប្រឈមមុខមួយប្រាវរវាងក្រុមយុវជន និងប៉ូលិស៕

សេចក្តីថ្លែងការរបស់ CNPR លើការមិនទទួលស្គាល់លើបាតុកម្មហិង្សា

ប្រភព៖ CNRP http://www.nationalrescueparty.org/statement-15-09-2013/

Friday, September 13, 2013

គណបក្សសង្គ្រោះជាតិ ពិចារណាប្រជុំសភាតាមលិខិតអញ្ជើញព្រះមហាក្សត្រ តែមិនទទួលស្គាល់អាសនៈ

Saturday, 14 September 2013 12:33

Written by KSN

លោក យឹម សុវណ្ណ អ្នកនាំពាក្យរបស់គណបកសង្គ្រោះជាតិ។ រូបថតៈ Google

គណបក្សសង្គ្រោះជាតិ កំពុងពិចារណាក្នុងការចូលរួមប្រជុំសភាលើកដំបូង នៅថ្ងៃទី២៣ខែកញ្ញានេះ តាមការកោះហៅជាលិខិតរបស់ព្រះមហាក្សត្រ ព្រះបាទនរោត្តមសីហមុនីនៅព្រឹកថ្ងៃសៅរ៍នេះ។

ក្នុងជំនួបប្រមាណជា២០នាទី ដែលជាជំនួបផ្លេកបន្ទោរ ក្រោមអធិបតីភាពរបស់ព្រះមហាក្សត្រ នៅព្រឹកថ្ងៃសៅរ៍នេះ ព្រះមហាក្សត្រ បានប្រគល់លិខិតកោះអញ្ជើញទៅគណបក្សទាំងពីរ ដើម្បីហៅតំណងរាស្ត្រទាំងអស់ ចូលរួមប្រជុំសភានៅថ្ងៃទី២៣ខែកញ្ញាខាងមុខនេះ។ លោកនាយករដ្ឋមន្ត្រី ហ៊ុន សែន និងលោក សម រង្ស៊ី បានបញ្ចប់ការជួបគ្នា ប្រមាណជា២០នាទី ប៉ុណ្ណោះ។លោក យឹម សុវណ្ណ អ្នកនាំពាក្យរបស់គណបកសង្គ្រោះជាតិ មានប្រសាសន៍ក្នុងសន្និសីទសារព័ត៌មាន នៅព្រឹកថ្ងៃសៅរ៍នេះថា គណបក្សសង្គ្រោះជាតិ បានទទួលលិខិតពីព្រះមហាក្សត្រ ដោយនឹងចែកលិខិតកោះហៅប្រជុំទៅតំណាងរាស្ត្រនិមួយៗ តែជំហរនៃការចូលរួមប្រជុំ មិនទាន់អាចកំណត់បាន។លោកបន្តថា ព្រះមហាក្សត្រ បានជម្រាបពីគោលបំណងនៃការប្រជុំ គឺដើម្បីឲ្យគណបក្សទាំងពីរជួបជុំគ្នា ក្នុងការស្វែងរកដំណោះស្រាយ។ តែគណបក្សសង្គ្រោះជាតិ បដិសេធនឹងការទទួលស្គាល់អាសនៈដដែល។

លោក យឹម សុវណ្ណ បញ្ជាក់ថា ការចរចានេះ មិនមានលទ្ធផលធុំដុំទេ តែជាជំហានវិជ្ជមានមួយ ដែលគណប្សសង្គ្រោះជាតិ បានទូលព្រះមហាក្សត្រដោយផ្ទាល់ ដោយសង្ឃឹមថា ព្រះអង្គនឹងមានព្រះរាជតម្រិះដ៏ត្រឹមត្រូវ ក្នុងការដោះស្រាយបញ្ហាប្រទេសជាតិ។

លោក យឹម សុវណ្ណ បន្តថា គម្រោងធ្វើមហាបាតុកម្ម គឺនៅដដែល ហើយគណបក្សសង្គ្រោះជាតិ នៅតែទាមទាររកយុត្តិធម៌ជូនម្ចាស់ឆ្នោតដដែល។

ជំនួបមួយភ្លែតនោះ ធ្វើឲ្យអ្នកសារព័ត៌មានជាតិអន្តរជាតិ និងប្រជាពលរដ្ឋ ងឿងឆ្ងល់ថាតើថា មូលហេតុអ្វីបានជាឆាប់ម្ល៉េះ។

កាលពី ថ្ងៃចន្ទ ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានចេញព្រះរាជសារ ជាការកោះអញ្ជើញបេក្ខជនជាប់ឆ្នោតតំណាងរាស្ត្រ នីតិកាលទី៥ ចូលរួមប្រជុំរដ្ឋសភា ជាលើកដំបូង នាព្រឹកថ្ងៃទី២៣ ខែកញ្ញា ឆ្នាំ២០១៣ នៅវិមានរដ្ឋសភា។

ក្នុងជំនួបព្រឹកមិញនេះ គណបក្សប្រជាជនកម្ពុជា មានលោកនាយករដ្ឋមន្ត្រី ហ៊ុន សែន និងមន្ត្រីពីររូប គឺលោក ស ខេង និងលោក សាយ ឈុំ។ ចំណែកគណបក្សសង្គ្រោះជាតិ មានលោក សម រង្ស៊ី រួមនឹងមន្ត្រីពីររូបទៀត គឺអនុប្រធាន កឹម សុខា និងលោកគួយ ប៊ុនរឿន។

គួរបញ្ជាក់ថា កាលពីថ្ងៃទី០៨ខែកញ្ញា គជប បានប្រកាសជាផ្លូវការថា គណបក្សប្រជាជនកម្ពុជា ទទួលបាន៦៨អាសនៈ ប្រហែលជា៤៨.៨ភាគរយនៃអ្នកចូលរួមបោះឆ្នោតសរុប៦.៦៣លាននាក់ ហើយគណបក្សសង្គ្រោះជាតិ ទទួលបាន៥៥អាសនៈ ស្មើនឹង៤៤.៥ភាគរយ គឺ២.៩២ លានសំឡេង។ តែគណបក្សសង្គ្រោះជាតិ បានច្រានចោលលទ្ធផលបោះឆ្នោត និងព្រមានធ្វើមហាបាតុកម្ម៕

http://ksn-news.com/index.php?option=com_k2&view=item&id=3528%3A2013-09-14-05-36-14&Itemid=345

សេចក្តីជូនដំណឹងរបស់សាលារាជធានី

លិខិតរបស់សម្តេចតេជោ ហ៊ុន សែន ក្រាបបង្គំទូលថ្វាយព្រះមហាក្សត្រ

Thursday, September 12, 2013

លិខិតរបស់សម្តេចតេជោ ហ៊ុន សែន ក្រាបបង្គំទូលថ្វាយព្រះមហាក្សត្រ

ចម្លងពី៖ The Free express magazine

សេចក្តីប្រកាសព័ត៌មានរបស់ក្រុមប្រឹក្សាធម្មនុញ្ញ

Wednesday, September 11, 2013

អាជ្ញាធរក្រុងភ្នំពេញ អនុញ្ញាតឲ្យគណបក្សសង្គ្រោះជាតិធ្វើបាតុកម្ម តែត្រូវគោរពលក្ខខណ្ឌ

សកម្មភាពបាតុកម្ម របស់គណបក្សសង្គ្រោះជាតិ កាលពីពេលកន្លងទៅ

@Siv Channa

ដោយ លី ម៉េងហួរ

នៅព្រឹកថ្ងៃទី១១កញ្ញានេះអាជធររាជធានីភ្នំពេញបានជួបប្រជុំជាមួយតំណាងគណបក្សសង្គ្រោះជាតិ ដើម្បីនិយាយពីបាតុកម្មនៅថ្ងៃអាទិត្យ។ បន្ទាប់ពីកិច្ចប្រជុំប្រហែល ៣ម៉ោងអាជ្ញាធរក្រុងភ្នំពេញបានសម្រេចជាគោលការណ៍ថាអនុញ្ញាតឲ្យគណបក្សសង្គ្រោះជាតិធ្វើមហាបាតុកម្មអហិង្សានៅទីលានប្រជាធិបតេយ្យ ដោយមិនមានដើរហែរក្បួន និងមិនឲ្យបោះតង់ដេកតវ៉ាទេ។ពោលគឺបាតុកម្មរបស់គណបក្សសង្គ្រោះជាតិត្រូវគោរពតាមច្បាប់បាតុកម្មដោយធ្វើចាប់ពី ម៉ោង៦ព្រឹក ដល់ម៉ោង៦ល្ងាច រីឯចំនួនអ្នកចូលរួមក៏មិនត្រូវលើសពី១ម៉ឺននាក់។ ប៉ុន្តែគណបក្សសង្គ្រោះជាតិនៅតែទាមទារធ្វើបាតុកម្ម២៤ម៉ោងលើ២៤ម៉ោងក្នុងរយៈពេល៣ថ្ងៃ៣យប់ចាប់ពីថ្ងៃអាទិត្យតទៅ។

សេចក្តីរាយការណ៏របស់ លី ម៉េងហួរ

ស្តាប់ (02:28)

11/09/2013

បន្ទាប់ពីកិច្ចប្រជុំប្រហែល ៣ម៉ោងនៅសាលារាជធានីភ្នំពេញនាព្រឹកនេះអាជ្ញាធរសាលារាជធានីភ្នំពេញបានសម្រេចជាគោលការណ៍ឯកភាពតាមការជូនដំណឹងរបស់គណបក្សសង្គ្រោះជាតិដើម្បីធ្វើបាតុកម្មនៅទីលានប្រជាធិបតេយ្យដោយគ្មានការដើរហែរក្បួន។ គណបក្សក៏ឯកភាពសហការជាមួយអាជ្ញាធរដើម្បីការពារសន្តិសុខដូចពេលធ្វើបាតុកម្មកន្លងមក។

ក៏ប៉ុន្តែលោក ឡុង ឌីម៉ង់ អ្នកនាំពាក្យសាលារាជធានីភ្នំពេញបានបញ្ជាក់ថាអាជ្ញាធរសមត្ថកិច្ចអនុញ្ញាតឲ្យគណបក្សសង្គ្រោះជាតិធ្វើបាតុកម្មស្របតាមច្បាប់បាតុកម្មចាប់ពីម៉ោង៦ព្រឹកដល់ម៉ោង៦ល្ងាចដោយមិនមានការបោះតង់ធ្វើជំរុំស្នាក់នៅពេលយប់នោះទេ។ រីឯចំនួនអ្នកចូលរួមបាតុកម្មក៏មិនត្រូវលើសពី១ម៉ឺននាក់។

ក៏ប៉ុន្តែខាងគណបក្សសង្គ្រោះជាតិដែលមានលោកហូរវ៉ាន់លោកម៉ៅមុនីវណ្ណនិងលោក ឡុង រី ចូលរួមប្រជុំនៅតែរក្សាជំហរធ្វើបាតុកម្មរយៈពេល៣ថ្ងៃ៣យប់នៅទីលានប្រជាធិបតេយ្យចាប់ពីថ្ងៃអាទិត្យទី១៥កញ្ញាដោយមានអ្នកចូលរួមចាប់ពី២ម៉ឺននាក់ឡើងទៅ។

បន្ទាប់ពីកិច្ចប្រជុំអ្នកទទួលខុសត្រូវធ្វើបាតុកម្មលោកហូរវ៉ាន់បានបញ្ជាក់ថាគណបក្សសង្គ្រោះជាតិនៅតែប្រកាន់ជំហររៀបចំគំរោងធ្វើមហាបាតុកម្ម៣យប់៣ថ្ងៃដដែលដោយពេលយប់រៀបចំធ្វើរោងប្រក់តង់កៅស៊ូដើម្បីឲ្យបាតុករដេកតវ៉ា២៤ម៉ោងលើ២៤នៅទីលានប្រជាធិបតេយ្យ។

លោក ហូរ វ៉ាន់ បានបញ្ជាក់ទៅកាន់អាជ្ញាធរសមត្ថកិច្ចពីការធានាសន្តិសុខក្នុងក្រុមបាតុករដែលគណបក្សប្រឆាំងមានស្នាដៃធ្វើបាតុកម្មដោយគ្មានអំពើហិង្សានិងដោយសុវត្ថិភាពក្នុងពេលកន្លងមកពិសេសកាលពីថ្ងៃទី៧កញ្ញា។

យ៉ាងណាក៏ដោយលោក ឡុង ឌីម៉ង់ អ្នកនាំពាក្យសាលារាជធានីភ្នំពេញបានបញ្ជាក់ថាចំពោះចំណុចមិនទាន់ឯកភាពគ្នាលើចំនួនអ្នកចូលរួមនិងការធ្វើបាតុកម្ម៣ថ្ងៃ២៤ម៉ោងដោយបោះតង់ដេកនៅទីលានប្រជាធិបតេយ្យជាដើមនោះអាជ្ញាធរសាលារាជធានីភ្នំពេញនឹងសុំគោលការណ៍សម្រេចពីក្រសួងមហាផ្ទៃ។

តាមគម្រោងមហាបាតុកម្មអហិង្សារបស់គណបក្សសង្គ្រោះជាតិ៣ថ្ងៃ៣យប់ចាប់ពីថ្ងៃអាទិត្យមានបំណងដូចបាតុកម្មលើកមុនគឺដើម្បីទាមទារឲ្យបង្កើតគណៈកម្មការពិសេសឯករាជ្យដើម្បីដោះស្រាយបញ្ហាបោះឆ្នោត។មហាបាតុកម្មអហិង្សាដោយសន្តិវិធីនោះ ដឹកនាំដោយលោក សម រង្ស៊ី និងលោក កឹម សុខា នឹងមានការសម្តែងមតិរបស់បាតុករការសម្តែងសិល្បៈចម្រៀងនិងការបញ្ចាំងខ្សែភាពយន្តឯកសារការអង្គុយដោយស្ងៀមស្ងាត់ព្រមទាំងការស្នាក់នៅ លើទីលានប្រជាធិបតេយ្យទាំងយប់និងទាំងថ្ងៃ៕

តំណផ្ទាល់ពី