Showing posts with label ព័ត៌មានក្នុងប្រទេស. Show all posts

Sunday, September 15, 2013

សេចក្តីថ្លែងការរបស់ CNPR លើការមិនទទួលស្គាល់លើបាតុកម្មហិង្សា

ប្រភព៖ CNRP http://www.nationalrescueparty.org/statement-15-09-2013/

Friday, September 13, 2013

គណបក្សសង្គ្រោះជាតិ ពិចារណាប្រជុំសភាតាមលិខិតអញ្ជើញព្រះមហាក្សត្រ តែមិនទទួលស្គាល់អាសនៈ

Saturday, 14 September 2013 12:33

Written by KSN

លោក យឹម សុវណ្ណ អ្នកនាំពាក្យរបស់គណបកសង្គ្រោះជាតិ។ រូបថតៈ Google

គណបក្សសង្គ្រោះជាតិ កំពុងពិចារណាក្នុងការចូលរួមប្រជុំសភាលើកដំបូង នៅថ្ងៃទី២៣ខែកញ្ញានេះ តាមការកោះហៅជាលិខិតរបស់ព្រះមហាក្សត្រ ព្រះបាទនរោត្តមសីហមុនីនៅព្រឹកថ្ងៃសៅរ៍នេះ។

ក្នុងជំនួបប្រមាណជា២០នាទី ដែលជាជំនួបផ្លេកបន្ទោរ ក្រោមអធិបតីភាពរបស់ព្រះមហាក្សត្រ នៅព្រឹកថ្ងៃសៅរ៍នេះ ព្រះមហាក្សត្រ បានប្រគល់លិខិតកោះអញ្ជើញទៅគណបក្សទាំងពីរ ដើម្បីហៅតំណងរាស្ត្រទាំងអស់ ចូលរួមប្រជុំសភានៅថ្ងៃទី២៣ខែកញ្ញាខាងមុខនេះ។ លោកនាយករដ្ឋមន្ត្រី ហ៊ុន សែន និងលោក សម រង្ស៊ី បានបញ្ចប់ការជួបគ្នា ប្រមាណជា២០នាទី ប៉ុណ្ណោះ។លោក យឹម សុវណ្ណ អ្នកនាំពាក្យរបស់គណបកសង្គ្រោះជាតិ មានប្រសាសន៍ក្នុងសន្និសីទសារព័ត៌មាន នៅព្រឹកថ្ងៃសៅរ៍នេះថា គណបក្សសង្គ្រោះជាតិ បានទទួលលិខិតពីព្រះមហាក្សត្រ ដោយនឹងចែកលិខិតកោះហៅប្រជុំទៅតំណាងរាស្ត្រនិមួយៗ តែជំហរនៃការចូលរួមប្រជុំ មិនទាន់អាចកំណត់បាន។លោកបន្តថា ព្រះមហាក្សត្រ បានជម្រាបពីគោលបំណងនៃការប្រជុំ គឺដើម្បីឲ្យគណបក្សទាំងពីរជួបជុំគ្នា ក្នុងការស្វែងរកដំណោះស្រាយ។ តែគណបក្សសង្គ្រោះជាតិ បដិសេធនឹងការទទួលស្គាល់អាសនៈដដែល។

លោក យឹម សុវណ្ណ បញ្ជាក់ថា ការចរចានេះ មិនមានលទ្ធផលធុំដុំទេ តែជាជំហានវិជ្ជមានមួយ ដែលគណប្សសង្គ្រោះជាតិ បានទូលព្រះមហាក្សត្រដោយផ្ទាល់ ដោយសង្ឃឹមថា ព្រះអង្គនឹងមានព្រះរាជតម្រិះដ៏ត្រឹមត្រូវ ក្នុងការដោះស្រាយបញ្ហាប្រទេសជាតិ។

លោក យឹម សុវណ្ណ បន្តថា គម្រោងធ្វើមហាបាតុកម្ម គឺនៅដដែល ហើយគណបក្សសង្គ្រោះជាតិ នៅតែទាមទាររកយុត្តិធម៌ជូនម្ចាស់ឆ្នោតដដែល។

ជំនួបមួយភ្លែតនោះ ធ្វើឲ្យអ្នកសារព័ត៌មានជាតិអន្តរជាតិ និងប្រជាពលរដ្ឋ ងឿងឆ្ងល់ថាតើថា មូលហេតុអ្វីបានជាឆាប់ម្ល៉េះ។

កាលពី ថ្ងៃចន្ទ ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានចេញព្រះរាជសារ ជាការកោះអញ្ជើញបេក្ខជនជាប់ឆ្នោតតំណាងរាស្ត្រ នីតិកាលទី៥ ចូលរួមប្រជុំរដ្ឋសភា ជាលើកដំបូង នាព្រឹកថ្ងៃទី២៣ ខែកញ្ញា ឆ្នាំ២០១៣ នៅវិមានរដ្ឋសភា។

ក្នុងជំនួបព្រឹកមិញនេះ គណបក្សប្រជាជនកម្ពុជា មានលោកនាយករដ្ឋមន្ត្រី ហ៊ុន សែន និងមន្ត្រីពីររូប គឺលោក ស ខេង និងលោក សាយ ឈុំ។ ចំណែកគណបក្សសង្គ្រោះជាតិ មានលោក សម រង្ស៊ី រួមនឹងមន្ត្រីពីររូបទៀត គឺអនុប្រធាន កឹម សុខា និងលោកគួយ ប៊ុនរឿន។

គួរបញ្ជាក់ថា កាលពីថ្ងៃទី០៨ខែកញ្ញា គជប បានប្រកាសជាផ្លូវការថា គណបក្សប្រជាជនកម្ពុជា ទទួលបាន៦៨អាសនៈ ប្រហែលជា៤៨.៨ភាគរយនៃអ្នកចូលរួមបោះឆ្នោតសរុប៦.៦៣លាននាក់ ហើយគណបក្សសង្គ្រោះជាតិ ទទួលបាន៥៥អាសនៈ ស្មើនឹង៤៤.៥ភាគរយ គឺ២.៩២ លានសំឡេង។ តែគណបក្សសង្គ្រោះជាតិ បានច្រានចោលលទ្ធផលបោះឆ្នោត និងព្រមានធ្វើមហាបាតុកម្ម៕

http://ksn-news.com/index.php?option=com_k2&view=item&id=3528%3A2013-09-14-05-36-14&Itemid=345

សេចក្តីជូនដំណឹងរបស់សាលារាជធានី

Thursday, September 12, 2013

សេចក្តីប្រកាសព័ត៌មានរបស់ក្រុមប្រឹក្សាធម្មនុញ្ញ

Wednesday, September 4, 2013

រាជសារផ្ញជូនលោកសម រង្ស៊ី

Thursday, August 15, 2013

ឯកឧត្តម អ៊ឹម សិទ្ធី រដ្ឋមន្ត្រីក្រសួងអប់រំ ត្រូវបានបកអាក្រាត និងចោទប្រកាន់ថា ពុករលួយ និងបក្ខពួកនិយមជាប្រព័ន្ធ

Posted by admin on August 15, 2013

បើពេញចិត្ត DTN7.COM សូមចុច

មជ្ឈដ្ឋានមិត្តអ្នកអានបានផ្តល់ពិន្ទុវាយតម្លៃទៅលើការដឹកនាំរបស់ឯកឧត្តម អ៊ឹម សិទ្ធី រដ្ឋមន្ត្រីក្រសួងអប់រំ យុវជន និងកីឡា ថា ដឹកនាំប្រកបដោយភាពពុករលួយ និងមិនខ្វល់ពីមន្ត្រីក្រោមឱវាទនៅថ្នាក់កណ្តាល។

ពាក់ព័ន្ធនឹងការរៀបចំដំណើរការប្រឡងសញ្ញាបត្រមធ្យមសិក្សាទុតិយភូមិចាប់តាំងពីចុងខែកក្កដា កន្លងមក ក្រសួងអប់រំបានចំណាយថវិការាប់លានរៀលចំពោះការប្រឡង ដើម្បីសម្រិតសម្រាំងគុណភាពអប់រំ។ ប៉ុន្តែការចំណាយថវិកាទាំងនេះមិនបានឆ្លើយតបទៅនឹងផែនការអប់រំនោះទេ ព្រោះឯកឧត្តម អ៊ឹម សិទ្ធី បានបណ្តែតបណ្តោយឲ្យមន្ត្រីនាយកដ្ឋានមធ្យមសិក្សាចំណេះទូទៅបង្កភាពពុករលួយតាមអំពើចិត្តក្នុងការរៀបចំគណៈកម្មការមេប្រយោគប្រឡង ដែលត្រូវបានប្រិយមិត្តអ្នកអានបង្ហាញនូវហេតុផល ដូចតទៅ៖

១- គណៈកម្មការមេប្រយោគទូទាំងប្រទេស និងអប្បមាទ គឺរៀបចំតាមខ្សែ «អ្នកស្និទ្ធស្នាល នៅខេត្តជិត និងអ្នកមិនស្និទ្ធស្នាល ត្រូវរៀបអីវ៉ាន់ចេញទៅខេត្តឆ្ងាយៗដាច់ស្រយាល»។

២- គណៈកម្មការអប្បមាទត្រូវកំណត់យកអ្នកមានតួនាទីជាប្រធាន អនុប្រធានការិយាល័យ ប៉ុន្តែលេចចេញឃើញមានមន្ត្រីមួយចំនួនដែលមិនឋិតក្នុងនាយកដ្ឋានជំនាញក៏បានចូលរួមជាគណៈកម្មការអប្បមាទដែរ «អ្នកទាំងនោះមានខ្សែទុយោ និងមានបក្ខពួករបស់ខ្លួន»។

៣- ប្រធាន អនុប្រធានមណ្ឌលមួយចំនួនរៀបចំតាមបណ្តាញពុករលួយ ជាពិសេសសូកយកប៉ុស្តិ៍ល្អៗ។ ម្យ៉ាងទៀតគឺត្រូវបានរៀបចំប្រធាន អនុប្រធានមណ្ឌលជាក្រុម ដើម្បីងាយស្រួលពេលដំណើរការវិញ្ញាសា ហើយប្រធាន អនុប្រធានមណ្ឌលមួយចំនួនឆ្នាំណាក៏ដង្ហែនៅមណ្ឌលជាមួយគ្នាដែរ «ដូចជាមណ្ឌលវិទ្យាល័យបាក់ទូកឆ្នាំ២០១២ និងមណ្ឌលវិទ្យាល័យព្រែកឯង ឆ្នាំ២០១៣ និងនៅមណ្ឌលផ្សេងៗទៀត»។

៤- គណៈកម្មការត្រួតអគារ និងអនុរក្សឆ្លងខេត្ត ជារៀងរាល់ឆ្នាំមានការសូកប៉ាន់រើសយកប៉ុស្តិ៍ក្នុងតម្លៃពី១៥ដុល្លារ ទៅ២០ដុល្លារអាមេរិក ហើយបណ្តាញទាំងនោះគឺការិយាល័យប្រឡង ឬការិយាល័យមធ្យមសិក្សាចំណេះទូទៅតាមខេត្តជាអ្នកនាំសារ។ រីឯមួយចំនួនទៀតគឺមន្ត្រីការិយាល័យប្រឡងនៃនាយកដ្ឋានមធ្យមសិក្សាចំណេះទូទៅ។

៥- ចំណែកគ្រូ ដែលមិនបង្រៀនថ្នាក់ទី១២ នៅរាជធានីភ្នំពេញ ភាគច្រើនគឺចេញធ្វើជាគណៈកម្មការអនុរក្សផង និងជាគណៈកម្មការបែងចែកសន្លឹកកិច្ចការផងដែលរៀបចំជាបណ្តាញសូកប៉ាន់ តាមសាលា ដើរតួជាអ្នកនាំាសារ «សូមពិនិត្យមើលលិខិតឧទ្ទេសនាមអនុរក្ស និងលិខិតឧទ្ទេសនាមបែងចែកសន្លឹកកិច្ចការនៅ៩មណ្ឌលកំណែ»។

៦- គណៈកម្មការបូក ស្រង់ ពិនិត្យផ្ទៀងផ្ទាត់ពិន្ទុ «លិខិតឧទ្ទេសនាមលេខ៣៥មប្រទ» មានបាតុភាពមិនប្រក្រតីមួយចំនួន ដោយគណៈកម្មការទាំងនោះមួយចំនួនកើតចេញពីការសូកប៉ាន់ «តម្លៃពី២៥ដុល្លារ ទៅ២៥ដុល្លារអាមេរិក» ដូចជាមន្ត្រីអប់រំថ្នាក់ក្រោមជាតិមួយចំនួន ខ្លះចេញធ្វើជាគណៈកម្មការ ប្រធាន អនុប្រធានមណ្ឌល ខ្លះធ្វើជាគណៈកម្មការអប្បមាទ និងខ្លះទៀតធ្វើជាអនុរក្សនៅតាមមណ្ឌលក្នុងខេត្ត។ ប៉ុន្តែពេលបូក ស្រង់បែរជាមានឈ្មោះចេញជាគណៈកម្មការបូក ស្រង់ពិន្ទុ ខ្លះជាគណៈកម្មការពិនិត្យពិន្ទុ «Sic!»។

៧- ចំពោះមន្ត្រីបម្រើការងារនៅថ្នាក់កណ្តាលវិញ គឺឯកឧត្តម អ៊ឹម សិទ្ធី ដែលជារដ្ឋមន្ត្រីមិនខ្ចីខ្វល់ខ្វាយឈឺក្បាលហាលងៀតអ្វីឡើយ ទោះបីមន្ត្រីអប់រំដែលបម្រើការងារនៅតាមអង្គភាពនានាចំណុះក្រសួងទាំងនោះមួយចំនួនមិនបានចូលរួមធ្វើជាគណៈកម្មការផ្សេងៗក្នុងការប្រឡងសញ្ញាបត្រទុតិយភូមិក៏ដោយ។

ប្រិយមិត្តអ្នកអានក៏បានទាញអារម្មណ៍ឲ្យមានការពិចារណាដែរថា មន្ត្រីអប់រំធ្វើការនៅថ្នាក់កណ្តាល ធ្វើការពីរពេល ក្នុងមួយថ្ងៃដោយទទួលបានប្រាក់បៀវត្សរ៍តិចតួច បែរជាមិនឲ្យចូលរួមធ្វើជាគណៈកម្មការផ្សេងៗក្នុងការប្រឡងបាក់ឌុប តើនេះជាមេដឹកនាំល្អឬ? ចំណែកគ្រូបង្រៀននៅរាជធានីភ្នំពេញ ធ្វើការមួយសប្តាហ៍ ១៦ ឬ១៨ ម៉ោងទទួលបានប្រាក់បៀវត្សរ៍គួរសម បែរជាបានចូលរួមក្នុងគណៈកម្មការប្រឡង២ ឬ៣ដង ទាំងប្រឡងសញ្ញាបត្រទុតិយភូមិ ទាំងបឋមភូមិ ខណៈដែលនាយកវិទ្យាល័យ និងមន្ត្រីមន្ទីរអប់រំ យុវជន និងកីឡាខេត្ត ដែលចេញជាប្រធាន អនុប្រធានមណ្ឌល ជាអប្បមាទ ជាអនុរក្ស បែរជាឲ្យចូលរួមក្នុងគណៈកម្មការបូក ស្រង់ពិន្ទុថែមទៀត តើនេះមានយុត្តិធម៌ដែរឬទេ?៕

ប្រភព៖ ដើមត្នោត

Sunday, August 4, 2013

លទ្ធផលបឋមនៃការបោះឆ្នោតជ្រើសតាំងតំណាងរាស្រ្ត នីតិកាលទី៥

- See more at: http://www.cen.com.kh/localnews/show_detail/142?token=Zjc4MWM0Yz#sthash.HvRsLrbx.dpuf

Thursday, June 20, 2013

(ឯកសារសម្រាប់សិក្សា) យូណេស្កូប្រគល់មេដាយសន្តិភាព និងបរិស្ថានអន្តរជាតិដល់ "សម្តេច ហ៊ុន សែន"

ยูเนสโกมอบเหรียญสันติภาพและสิ่งแวดล้อมโลกให้ “ฮุนเซน”

โดย ASTVผู้จัดการออนไลน์

18 มิถุนายน 2556 22:40 น.

นายกรัฐมนตรีฮุนเซนปราศรัยเปิดประชุมใหญ่องค์การยูเนสโก วันที่ 16 มิ.ย.ที่ผ่านมา เช้าวันอังคาร 18 มิ.ย.นี้ยูเนสโกได้มอบเหรียญเกียรติยศแก่ผู้นำกัมพูชา ฐานเป็นผู้พิทักษ์ปกป้องทรัพย์สินทางวัฒนธรรมของมวลมนุษย์และแหล่งมรดกโลกในประเทศกัมพูชาอย่างเอาจริงเอาจัง. -- ภาพ: สำนักข่าวกัมพูชา .

       .

ASTVผู้จัดการออนไลน์ - องค์การการศึกษาวิทยาศาสตร์และวัฒนธรรมแห่งสหประชาชาติ (United Nations Educational, Scientific and Cultural Organization) ได้มอบเหรียญสันติภาพและสิ่งแวดล้อมโลก (Medal of World Peace and Environment) ให้แก่นายกรัฐมนตรีกัมพูชาฮุนเซน ขณะที่การประชุมของยูเนสโก กำลังดำเนินอยู่ในกรุงพนมเปญขณะนี้

       นางคาตาลิน บอกเย ประธานการประชุมใหญ่ยูเนสโก ได้ทำพิธีมอบเหรียญเกียติคุณดังกล่าว หลังการพบสนทนาสองฝ่ายในเช้าวันอังคาร 18 มิ.ย.นี้ นายเอียง ศุภเลศ ผู้ช่วยคนหนึ่งของ นรม.กัมพูชากล่าว

       การมอบเหรียญเกียรติยศมีขึ้นเพื่อเป็นการเชิดชูผู้นำกัมพูชาที่พิทักษ์รักษาทรัพย์สินทางวัฒนธรรม และแหล่งมรดกโลกอันเป็นทรัพย์สินของมวลมนุษย์ในกัมพูชาอย่างแข็งขันและจริงจัง นายศุภเลศอ้างคำพูดของประธานการประชุมยูเนสโก

       ฮุนเซนกล่าวในโอกาสนี้ว่า กัมพูชาภคภูมิใจที่มีแหล่งโบราณสถานอย่างมากมาย แต่สิ่งเหล่านี้กำลังผุกร่อนอันเนื่องจากสาเหตุจากธรรมชาติ และกิจกรรมของมนุษย์ ซึ่งต้องการงบประมาณอย่างเร่งเด่วนในการธำรงรักษา และป้องกัน

       นรม.กัมพูชา ได้เป็นประธานทำพิธีเปิดการประชุมในวันที่ 16 มิ.ย.ที่ผ่านมา พร้อมทั้งเสนอให้ยูเนสโก ช่วยขึ้นทะเบียนโบราณสถานอีก 2 แห่ง ให้เป็นแหล่งมรดกโลก คือ เขตเมืองเก่าซอมบอร์เปรย์กุก (Sambor Prey Kuk) และปราสาทเกาะแกร์ (Koh Ker) ซึ่งทั้ง 2 แห่งนี้มีมาก่อนยุคนครวัด สำนักข่าวกัมพูชารายงาน.

http://manager.co.th/IndoChina/ViewNews.aspx?NewsID=9560000073838

Monday, March 18, 2013

អ្នកភូមិកែវផុស ស្រក់ទឹកភ្នែក រំភើបពន់ពេក ក្រោយទទួលបាន ក្តីសណ្តោស ពីសម្តេចតេជោ

អ្នកភូមិកែវផុស ស្រក់ទឹកភ្នែក រំភើបពន់ពេក ក្រោយទទួលបាន ក្តីសណ្តោស ពីសម្តេចតេជោ (Video Inside)

Monday, 18 March 2013 19:41 DAP-NEWS Posted:013

ដោយៈ សយ សុភាព

- លោក ប៊ិន ឈិន និងលោក ស្បោង សារ៉ាត់ ផ្តល់ថវិកា ៣ម៉ឺនដុល្លារ រៀបចំ និងកសាង ភូមិកែវផុសឡើងវិញ

ព្រះសីហនុៈ ប្រជាពលរដ្ឋភូមិកែវផុសទាំង ៤៩គ្រួសារ បានទ្រហោយំសាជាថ្មី នៅចំពោះមុខលោកឧកញ៉ា ម៉ុង ឬទ្ធី ប៉ុន្តែដំណក់ទឹកភ្នែកពេលនេះ មិនមែនទឹកភ្នែកស្តាយស្រណោះផ្ទះសម្បែង និងដីធ្លីទៀតនោះឡើយ ប៉ុន្តែ ជាដំណក់ទឹកភ្នែកបង្ហូរព្រោះតែរំភើបពន់ពេក តាមរយៈការកាត់ក្តី ដ៏យុត្តិធម៌ជាទីបំផុត របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា ដែលបានសម្រេច និងបញ្ជាភ្លាមៗឲ្យធ្វើផ្ទះ និងប្រគល់ដីជូនពួកគាត់ឡើងវិញ។

ស្ថិតនៅកន្លែងស្នាក់នៅបណ្តោះអាសន្ន ដោយសម្រាកក្រោមតង់ពណ៌ខៀវ និងស្បូវ ជាប់មាត់សមុទ្រប្រជាពល រដ្ឋអ្នកភូមិកែវផុស គ្រាន់តែឃើញលោកឧកញ៉ា ម៉ុង ឬទ្ធី និងលោក សយ សុភាព បានធ្វើដំណើរទៅដល់ភ្លាម បាននាំគ្នាទះដៃអបអរសាទរ លាយឡំជាមួយទឹកភ្នែក ចំពោះលទ្ធផលដែលពួកគាត់ទើបទទួលបាន គឺផ្ទះថ្មដ៏ថ្មី សន្លាង និងផ្ទៃដី ដែលសម្រេចប្រគល់ជូនពីនាយករដ្ឋមន្រ្តី នៃកម្ពុជា។

នៅព្រឹកថ្ងៃទី១៨ ខែមីនា ឆ្នាំ២០១៣នេះ គឺជាថ្ងៃថ្មី ថ្ងៃពោរពេញដោយពន្លឺយុត្តិធម៌ចំពោះអ្នកភូមិកែវផុស ផ្ទុយ ស្រឡះពីថ្ងៃទី៥ ខែមីនា ពីព្រោះថ្ងៃនេះ គឺជាថ្ងៃដែលពួកគាត់បានទទួលយុត្តិធម៌ពិតៗ និងយ៉ាងត្រចះត្រចង់សម្រាប់ជីវិត ដ៏សែន កម្សត់របស់ពួកគាត់ បន្ទាប់ពីសាលក្រមដ៏មហាអយុត្តិធម៌ របស់សាលាដំបូងខេត្តព្រះសីហនុ សម្រេចឲ្យពួកគាត់ ចាញ់ក្តី ឧកញ៉ា ជៀម ផែន។

នៅចំពោះមុខលោកឧកញ៉ា ម៉ុង ឬទ្ធី ប្រជាពលរដ្ឋអ្នកភូមិកែវផុស ញញឹមទាំងទឹកភ្នែកហូររហាម បានថ្លែងអំ ណរគុណ ជូនចំពោះសម្តេចនាយករដ្ឋមន្រ្តី និងលោកជំទាវ ដែលបានផ្តល់យុត្តិធម៌ជូនពួកគាត់យ៉ាងពិតប្រាកដ។

ប្រជាពលរដ្ឋទាំងអស់ បានលើកដៃសំពះ និងអះអាងថា គាំទ្រគណបក្សប្រជាជន ដើម្បីឲ្យសម្តេចតេជោ ហ៊ុន សែន ក្លាយជានាយករដ្ឋមន្រ្តីដឹកនាំ និងអភិវឌ្ឍន៍ប្រទេស តទៅទៀត ដោយមិនងាកទៅកាន់គណបក្សនយោ បាយផ្សេងទៀតឡើយ។

នៅព្រឹកថ្ងៃទី១៨ ខែមីនា នេះ បេសកជនរបស់សម្តេចនាយករដ្ឋមន្រ្តី ហ៊ុន សែន រួមមានលោកឧបនាយករដ្ឋមន្រ្តី ប៊ិន ឈិន ប្រធានអាជ្ញាធរជាតិដោះស្រាយវិវាទដីធ្លី លោក ហ៊ុន ម៉ានិត អគ្គលេខាធិការរង នៃអគ្គលេខាធិការដ្ឋាន អាជ្ញាធរជាតិដោះស្រាយវិវាទដីធ្លី លោកឧកញ៉ា ម៉ុង ឬទ្ធី សមាជិកព្រឹទ្ធសភា និងអាជ្ញាធរខេត្ត នឹងមកប្រកាសធ្វើ ផ្ទះថ្ម និង ប្រគល់ដីជូនប្រជាពលរដ្ឋរបស់អ្នកភូមិកែវផុសទាំង ៤៩គ្រួសារ។

នាព្រឹកថ្ងៃទី១៨ ខែមីនា នេះដែរ លោក ប៊ិន ឈិន បានអញ្ជើញទៅដល់កន្លែងប្រជាពលរដ្ឋស្នាក់នៅបណ្តោះ អាសន្ន ព្រមទាំងអាននូវលិខិតសម្រេចរបស់រាជរដ្ឋាភិបាល ដែលចុះហត្ថលេខាផ្ទាល់ដោយសម្តេចតេជោ ហ៊ុន សែន ពាក់ព័ន្ធនិងការផ្តល់ដី ព្រមទាំងសាងសង់ផ្ទះជូនប្រជាពលរដ្ឋឡើងវិញ។

លោក ប៊ិន ឈិន ក៏បានថ្លែងទៅកាន់ប្រជាពលរដ្ឋផងដែរថា ចំពោះអ្នកភូមិកែវផុស ដែលសាលក្រមសាលាដំបូង ខេត្តព្រះសីហនុចាប់ឃុំខ្លួន លោកនឹងលើកសំណើរជូនសម្តេចតេជោ សុំដោះលែងពួកគាត់ឲ្យមានសេរីភាពឡើង វិញ។

ជាមួយនឹងការចុះដល់កន្លែងមានវិវាទរវាងប្រជាពលរដ្ឋ និងឧកញ៉ា ជៀម ផែន ក្រោយពេលទទួលបានការបញ្ជាពី សម្តេចនាយករដ្ឋមន្រ្តីនោះ លោក ប៊ិន ឈិន បានឧបត្ថម្ភថវិកាផ្ទាល់ខ្លួនចំនួន ២ម៉ឺនដុល្លារ និង លោក ស្បោង សារ៉ាត់ អភិបាលខេត្តព្រះសីហនុ ឧបត្ថម្ភ ១ម៉ឺនដុល្លារ សម្រាប់រៀបចំ និង សាងសង់ភូមិឋានឡើងវិញ។ លោក ប៊ិន ឈិន ក៏បានឧបត្ថម្ភដល់ប្រជាពលរដ្ឋភូមិកែវផុស ដែលកំពុងអត់ផ្ទះសម្បែងទាំងអស់ ក្នុងមួយគ្រួសារ ៣០ ម៉ឺនរៀលផងដែរ។

អំណាចសាលក្រមដ៏មហាអយុត្តិធម៌របស់សាលាដំបូងខេត្តព្រះសីហនុ ដែលសម្រេចក្តីឲ្យឧកញ៉ា ជៀម ផែន ឈ្នះក្តីរំលោភយកដីធ្លី និងភូមិឋានរបស់ប្រជាពលរដ្ឋភូមិកែវផុសរាប់សិបហិកតានោះ កាលពីថ្ងៃទី៥ ខែមីនា ឆ្នាំ២០១៣ កន្លងទៅនេះ បានបើកដៃឲ្យសមត្ថកិច្ចនាំយក ត្រាក់ទ័រឈូសឆាយផលដំណាំ និងផ្ទះសម្បែងប្រជា ពលរដ្ឋជាច្រើនខ្នងខ្ទេចខ្ទីគ្មានសល់ ក្រោមដំណក់ទឹកភ្នែកដ៏សែនខ្លោចផ្សារជាទីបំផុត។ តែពេលនេះ ពន្លឺយុត្តិ ធម៌បានមកបំភ្លឺចិញ្ចែងចិញ្ចាចនៅលើឆ្នេរសមុទ្រក្នុងចំណុចចំរាំង កែវផុស តាមរយៈការបញ្ជារបស់សម្តេចតេជោ ហ៊ុន សែន សម្រេចផ្តល់ដី និងសាងសង់ផ្ទះជូនប្រជាពលរដ្ឋទាំង៤៩គ្រួសារឡើងវិញហើយ៕

ផ្សាយបន្តពី DAP-NEWS

Tuesday, March 12, 2013

ដីមូលដ្ឋានកងរាជអាវុធហត្ថស្រុករមាសហែក មានអ្នកធ្វើប្លង់ជ្រៀកលក់

Share on linkedin Share on facebook Share on twitter Share on email More Sharing Services 0

(ថ្ងៃទី 24 កុម្ភៈ 2013, ម៉ោង 08:39:AM) | ដោយ: ចន្រ្ទា

ក- ក ក+ | Print

ស្វាយរៀង: លោកវរសេនីយ៍ត្រី ទឹម វណ្ណិ មេបញ្ជាការកងរាជអាវុធហត្ថស្រុករមាសហែក បានរងនូវការស៊ើបអង្ករត និងចោទប្រកាន់ថាបានធ្វើប្លង់ដីជាពីរចំណែក ក្នុងនោះមួយចំណែកកសាងមូលដ្ឋានកងរាជអាវុធហត្ថស្រុករមាសហែក ដែលមានទំហំ២២ម៉ែត្រ គុណនឹង៦៩ម៉ែត្រ ដោយឡែកដីដែលធ្វើប្លង់លក់នោះមានទំហំ១០ម៉ែត្រគុណនឹង៦០ម៉ែត្រ ដែលមានទីតាំងស្ថិតនៅភូមិតាត្រាវ ឃុំកំពង់ត្រាច ស្រុករមាសហែក លក់បានបានតម្លៃ១ម៉ឺនដុល្លារ ដោយមានលិខិតផ្ទេរសិទ្ធិកាន់កាប់លេខ343/08 ដោយលោកគង់សាលាង អតីត មេឃុំកំពង់ត្រាច កាលពីថ្ងៃទី៦ ខែមិថុនា ឆ្នាំ២០០៨។

ទីតាំងមូលដ្ឋានកងរាជអាវុធហត្ថស្រុករមាសហែក ដែលត្រូវបានគេធ្វើប្លង់ជាពីរចំណែក ហើយលក់មួយប្លង់បានលុយ១ម៉ឺនដុល្លារ (រូបរបងលាបថ្នាំពណ៌ស)

រឿងរ៉ាវបែកធ្លាយនៃការធ្វើប័ណ្ណសម្គាល់សិទ្ធិកាន់កាប់អចលនវត្ថុ នៃការបំបែកដីជាពីរ ចំណែកនោះទើបតែដឹងនៅពេលដែលម្ចាស់ដីទិញបាននោះមកធ្វើរបងព័ទ្ធដីកាលពីថ្ងៃទី១១ខែធ្នូ ឆ្នាំ២០១២ ដល់ថ្ងៃទី១៤ខែកុម្ភៈ ឆ្នាំ២០១៣ ទើបមានក្រុមការងារអាវុធហត្ថខេត្តចុះមកស្រាវជ្រាវនិងពិនិត្យទំហំដីអង្គភាពកងរាជអាវុធហត្ថស្រុករមាសហែក ជាក់ស្តែងតែម្តងទៅតាមបទបញ្ជាផ្ទាល់មាត់របស់លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថហេត្ថខេត្តស្វាយរៀង ដឹកនាំដោយលោកវរសេនីយ៍ឯក ព្រហ្ម ដន មេបញ្ជាការរងទទួលបន្ទុកភស្តុភា-បច្ចេកទេស លោកវរសេនីយ៍ទោម៉ែន សំអឿន មេបញ្ជាការរងនិងជាប្រធានមន្ទីរស្រាវជ្រាវនិងយុត្តិធម៌ បានបើកអង្គប្រជុំមួយកាលពីព្រឹកថ្ងៃទី១៤ខែកុម្ភៈ ឆ្នាំ២០១៣ ដោយមានការចូលរួមពីលោកហែន សាគុន អភិបាលស្រុករមាសហែក លោកម៉ៅ ពុទ្ធី ប្រធានការិយាល័យ ភូមិបាលស្រុក លោកអនុសេនីយ៍ទោ នួន សុឃឿន នាយការិយាល័យវិស្វរកម្មខេត្តរួមនិង លោកវរសេនីយ៍ត្រី ទឹម វណ្ណិ មេបញ្ជាការកងរាជអាវុធហត្ថស្រុករមាសហែកផងដែរ។

បើយោងតាមកំណត់ហេតុនៃអង្គប្រជុំដែលទើបបែកធ្លាយកាលពីពេលថ្មីៗនេះ ស្តីពីការពាក់ព័ន្ធទៅលើដីធ្លីអង្គភាពអាវុធហត្ថស្រុករមាសហែក ពិនិត្យជាក់ស្តែងទំហំដីអង្គភាពទទឹង២៤ម៉ែត្រ បណ្តោយ៦៩ម៉ែត្រ ទំហំដីធ្វើរបងជាប់បន្ទាយមានទទឹង១០ម៉ែត បណ្តោយ៦០ម៉ែត្រ លក់ពីមុនតម្លៃ១ម៉ឺនដុល្លារ មូលហេតុនៃការលក់នោះ ដើម្បីកសាងអង្គភាពអាវុធហត្ថស្រុក។

ប្រភពដដែលបានឲ្យដឹងថា នៅក្នុងកិច្ចប្រជុំនោះលោកហែន សាគុន អភិបាលស្រុករមាសហែក បានមានប្រសាសន៍ថា បញ្ហាដិនេះគាត់មិនបានដឹងទេ ក្នុងឆ្នាំ២០០៤ គាត់កំពុងរៀន កាលនោះលោកម៉ៅ វិរៈ និងលោកណេប សារ៉ុន ជាគណៈកម្មការ គណៈបញ្ជាការឯកភាពស្រុកបានឯកភាពគ្នាវាស់វែងដីធ្លី មានប្លង់កម្មសិទ្ធិដឹងឮតាមឯកសារឆ្នាំ២០០៤។

លោកម៉ៅង ពុទ្ធី ប្រធានការិយាល័យសុរិយោដីស្រុកបានបំភ្លឺលើបញ្ហាដីនេះថា លោកបានទទួលស្គាល់ក្នុងការវាស់វែងដីធ្លីនោះមែន មុខឆ្នាំ២០០៣ ប៉ុន្តែក្នុងឆ្នាំ២០០៣ ដីនោះពុំទាន់បានធ្វើប្លង់ កម្មសិទ្ធិទេ ក្រោយមកនៅចុងឆ្នាំ២០០៣ លោកបានទៅបំរើការងារនៅខេត្តតាកែវ តាមផែនការរបស់ក្រសួង។ លុះដល់ឆ្នាំ២០០៤ លោកពុំបានដឹងរឿងវាស់វែងដីធ្លីនិងចេញប្លង់កម្មសិទ្ធិពេលនោះឡើយ លោកគ្រាន់តែដឹងប៉ុណ្ណោះ។

ក្រោយពីការចុះស្រាវជ្រាវដីធ្លីមូលដ្ឋានកងរាជអាវុធហត្ថស្រុករមាសហែក រួចមកក្រុមការងារអាវុធហត្ថខេត្តបានភ្ជាប់ឯកសារមួយចំនួន រួមមាន ៖ ទី១-លិខិតផ្ទេរសិទ្ធិកាន់កាប់ដែលមានចុះហត្ថលេខាដោយលោកគង់ សាលាង មេឃុំកំពង់ត្រាច កាលពីថ្ងៃទី៦ ខែមិថុនា ឆ្នាំ២០០៨ ប័ណ្ណសម្គាល់សិទ្ធិកាន់កាប់អចលនវត្ថុ ប្រភេទដីសាងសង់បញ្ជាការដ្ឋានកងរាជអាវុធហត្ថស្រុក ចុះហត្ថលេខាដោយលោកគង់ ផុន ប្រធានការិយាល័យរៀបចំដែលដីនគរូបនីយកម្មសំណង់ និងភូមិបាល ចុះថ្ងៃទី៩ខែមីនា ឆ្នាំ២០០៤ និងអគ្គនាយកសុរិយោដីនិងភូមិសាស្ត្រ ដោយលោកសេក សេដ្ឋា ចុះថ្ងៃទី១៧ ខែមិថុនា ឆ្នាំ២០០៤ ប័ណ្ណសម្គាល់សិទ្ធិកាន់កាប់អចលនវត្ថុប្រភេទដីសាងសង់ របស់ឈ្មោះទឹម វណ្ណិ និងនាងកង សាគុណ (ប្តីប្រពន្ធ) ព្រំប្រទល់ខាងជើងទល់នឹងបញ្ជាការដ្ឋានកងរាជអាវុធហត្ថស្រុក ខាងត្បូងច្រកចេញចូល ខាងកើតហេងសេង និងខាងលិចថ្នល់(ប្លង់ដីដែលលក់) ចុះហត្ថលេខាដោយលោកគង់ ផុន ប្រធានការិយាល័យរៀបចំដែនដីនគរូបនីយកម្ម សំណង់ និងភូមិបាល ចុះថ្ងៃទី៩ខែមីនា ឆ្នាំ២០០៤ និងអគ្គនាយកសុរិយោដីនិងភូមិសាស្ត្រដោយលោសេក សេដ្ឋា ចុះថ្ងៃទី១២ ខែឧសភា ឆ្នាំ២០០៤ រួមនឹងឯកសារពាក់ព័ន្ធមួយចំនួទៀត។

នៅពុំទាន់ដឹងថា លោកមេបញ្ជាការកងរាជអាវុធហត្ថខេត្តស្វាយរៀង មានចំណាត់ការយ៉ាងណានោះទេ ក្រោយពេលដែលទទួលបានរបាយការណ៍ដូច្នេះហើយ មតិប្រជាពលរដ្ឋមន្ត្រីរាជការមួយចំនួនក៏មានការងឿងឆ្ងល់ផងដែរ ដែលនៅសុខៗស្រាប់តែដីមូលដ្ឋានកងរាជអាវុធហត្ថស្រុករមាសហែកចែកជាពីរប្លង់យ៉ាងស្របច្បាប់ដូច្នេះនោះទេ ដល់ពេលគេធ្វើរបង ទើបភ្ញាក់ព្រើតតែម្តង។

ពាក់ព័ន្ធករណីលក់ដីនេះ លោកវរសេនីយ៍ត្រី ទឹម វណ្ណិ មេបញ្ជាការកងរាជអាវុធហត្ថស្រុករមាសហែកបានប្រាប់អ្នកកាសែតតាមទូរស័ព្ទ កាលពីរសៀលថ្ងៃទី២៣ខែកុម្ភៈ ឆ្នាំ២០១៣ យ៉ាងខ្លីថា គាត់លក់ដីប្លង់ផ្សេងទេ មិនបានលក់ដីបន្ទាទេ៕

- See more at: http://www.cen.com.kh/localnews/show_detail/135?token=MTc0N2MxYzlmZjFjZWQ3MGRiMTJiMWNlMDA0MGU1#.UUB8Ydaq9e9

Saturday, February 23, 2013

សង្គមស៊ីវិលរិះគន់គម្រោងផ្តល់តំណែងឲ្យកូនៗមន្ត្រីបក្សប្រជាជន

លោកនាយករដ្ឋមន្ត្រី ហ៊ុន សែន ត្រូវបានសង្គមស៊ីវិលរិះគន់ថា កំពុងរៀបចំផែនការឲ្យកូនប្រុសលោកម្នាក់ស្នងតំណែងទៅថ្ងៃអនាគត។ កូនប្រុសច្បងនោះ គឺលោក ហ៊ុន ម៉ាណែត អាយុ ៣៥ឆ្នាំ បច្ចុប្បន្នកំពុងមានតួនាទីជានាយកអង្គភាពប្រឆាំងភេរវកម្ម និងជាអនុប្រធានអង្គរក្សនាយករដ្ឋមន្ត្រី។

ដោយ យន់ សាមៀន
2013-02-23

លោកនាយករដ្ឋមន្ត្រី ហ៊ុន សែន (ឆ្វេង) និងកូនប្រុស លោក ហ៊ុន ម៉ាណែត។ លោក ហ៊ុន ម៉ាណែត កាលពីថ្ងៃទី៣ ខែមករា ឆ្នាំ២០១១ ត្រូវបានតែងតាំងជាមេបញ្ជាការរងនៃបញ្ជាការដ្ឋានកងទ័ពជើងគោកនៃកងយោធពលខេមរភូមិន្ទ។

Photo courtesy of camnews.com

ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍អះអាងតាមទូរស័ព្ទថា លោកនាយករដ្ឋមន្ត្រី ហ៊ុន សែន នៅតែគិតថា នាយទាហានមានតួនាទីសំខាន់ណាស់ក្នុងការគ្រប់គ្រងប្រទេស។ លោក អ៊ូ វីរៈ បន្តថា ទោះបីជាកូនប្រុសពៅរបស់លោក ហ៊ុន សែន មានគម្រោងឈរឈ្មោះជាតំណាងរាស្ត្រសម្រាប់ការបោះឆ្នោតខែកក្កដា ឆ្នាំ២០១៣ ខាងមុខនេះក៏ដោយ ប៉ុន្តែកូនដែលនឹងអាចស្នងតួនាទីជំនួសលោកនាយករដ្ឋមន្ត្រី ហ៊ុន សែន នោះ គឺលោក ហ៊ុន ម៉ាណែត វិញទេ។

ទីភ្នាក់ងារព័ត៌មាន (AFP) ដកស្រង់សម្ដីតំណាងរាស្ត្រគណបក្សប្រជាជនកម្ពុជា លោក ជាម យៀប ថា លោក ហ៊ុន ម៉ានី កូនប្រុសពៅ និងកូនប្រសារបស់លោក ហ៊ុន សែន ដែលត្រូវជាកូនប្រុសបង្កើតរបស់អតីតអគ្គស្នងការនគរបាលជាតិ លោក ហុក ឡង់ឌី ព្រមទាំងកូនៗរបស់មន្ត្រីជាន់ខ្ពស់គណបក្សប្រជាជនកម្ពុជា ជាច្រើនរូបទៀត គ្រោងនឹងឈរឈ្មោះជាតំណាងរាស្ត្រនៃគណបក្សប្រជាជនកម្ពុជា ដើម្បីជំនួសតំណាងរាស្ត្រមួយចំនួនដែលមានវ័យចំណាស់។

លោក អ៊ូ វីរៈ មានប្រសាសន៍បញ្ជាក់ផងដែរថា ប្រការនេះនឹងនាំឲ្យសមាជិកក្មេងៗផ្សេងទៀតនៃគណបក្សប្រជាជនកម្ពុជា ធ្លាក់ទឹកចិត្តដោយយល់ឃើញថា ពួកគេមិនអាចប្រកួតប្រជែងជាមួយបេក្ខជនតំណាងរាស្ត្រជាកូនៗរបស់មន្ត្រីធំៗទាំងនោះ ដែលមានអំណាច និងមានទ្រព្យសម្បត្តិ។

កម្ពុជា នឹងរៀបចំការបោះឆ្នោតសកលនាចុងខែកក្កដា ខាងមុខ។ បច្ចុប្បន្ន គណបក្សប្រជាជនកម្ពុជា មានតំណាងរាស្ត្រចំនួន ៩០រូប ក្នុងចំណោមសមាជិកសភាសរុបចំនួន ១២៣រូប។ ចំណែកគណបក្ស សម រង្ស៊ី ទទួលបាន ២៦អាសនៈ គណបក្ស សិទ្ធិមនុស្ស បាន ៣អាសនៈ និងគណបក្ស នរោត្តម រណឫទ្ធិ បាន ២អាសនៈ៕

ប្រភព អាស៊ីសេរី